http://hitech.vesti.ru/
Дар интернет маҷмӯи Windows 10 Consumer Preview-тафсири шиносоии оператсионӣ аз Microsoft-ро якҷоя намуданд. Дар ОС нахустин ёрдамчии овозии (голосовой помощник) Cortana падид омад, аз ин Windows тарҳи дигар ва замимаҳои азнавбарқароршударо дастрас намуд.
Маҷмӯи Windows-и расмие, ки ҳоло набаромадааст, ба дасти хабарнигорони WinBeta афтод. Нашри расмии ин тафсир, бояд моҳи феврали соли 2015-ум доир мегардид.
Аз ҳама навоварии машҳур дар ОС , ин якҷояшавии ёрдамчии Cortana маҳсуб меёбад, ки айни замон аксари кишварҳо дар Windows Phone ба он дастрасӣ пайдо кардаанд. Нишони хизматгузории ба кор андохташуда, маҳз дар хати ҷустуҷӯии система ҷойгир шудааст. Минбаъд соҳибони ПК аз Windows пурра ОС-ро метавонанд тариқи овоз идора кунанд. Ин махсусан ба истифодабарандагони компютер, ки бинишашон суст аст метавонад кӯмак расонад.
Аксарияти замимаҳое, ки ба Windows тааллуқ доштанд, аз нав барқарор гардиданд. Ҳамчунин якчанд барномаҳои дигар пайдо шуданд. Microsoft навигатсияи замимаҳоро соддатар сохта, куллан интерфейсро фаҳмо ва оддӣ намуд. Замимаи нави Get Started имконият медиҳад, ки намуди ба менюи “Пуск” баргаштаи замимаҳои муҳимтарин ва дигар вазифаҳо шахсӣ карда шаванд. Ҳамчунин “Созкунӣ” (Настройка), замимаи Xbox аз нав барқарор карда шуданд.
Хотиррасон мекунем, ки яке аз сифатҳои беҳтарини Windows-и нав бисёрҷанбаъ будани он маҳсуб меёбад. Як система метавонад ба истифодабаранда интерфейси гуногунро, вобаста аз он ки кадом дастгоҳ ва дар кадом реҷа он истифода бурда мешавад намоиш диҳад. Илова бар ин, дар система мағозаи умумии бисёрҷанбаи Windows-замимаҳо ҷорӣ карда мешавад. Дар дасти ихтирокорон бошад, асбоби ягона барои офаридани онҳо хоҳад буд. Ихтирокорон ба истифодабарандагони дастгоҳҳои гуногун, аз консоли Xbox сар карда то гаҷҷети «лавозимотҳои интернетӣ», аз ҷумла компютер, планшет ва смартфонҳо замимаи навро пешниҳод хоҳанд намуд.
Аз ҳама тагйироти назарраси интерфейс дар «даҳгона» нисбат ба Windows 8-ин баргардонидани менюи мукаммали «Пуск» ба шумор меравад. Нисбат ба Windows 7, дар он натанҳо тамғаи замимаҳо ва системаи утилитӣ, балки Windows 8 –и аз экрани ибтидоӣ кӯчонидашуда, «лавҳачаҳои зинда» , ки иваз намудани андозаи онҳо начандон зарур аст, ҷойгир карда мешаванд. Дар он ҳамчунин майдони ҷустуҷӯи универсалӣ вуҷуд дорад, ки метавонад ҳам дар дастгоҳи мазкур ва ҳам дар интернет кор кунад.
Дар Windows 10 як қатор навгониҳо, ки корро бо якчанд замимаҳои кушода осон мекунад, дастрас гардидааст. Барномаҳо аз мағозаи Windows Store дар «ҳаштгона» , ки дар реҷаи экрани калон бароварда шудааст, минбаъд метавонад дар намуди оинаи тагйирдиҳии андоза, дар мизи корӣ корбарӣ намояд.
Реҷаи масъалаҳое, ки ҳамзамон ҳамаи барномаҳои баровардашударо дар намуди нусхаҳои кӯтоҳшудаи оина инъикос мекунанд, дастрас гардидааст:
Он имконият медиҳад, ки дар айни замон барои кор мизи кории виртуалӣ интихоб карда шавад. Истифодабарандагони он метавонанд якеро барои кор, дигареро барои омӯзиш ва сеюмиро барои дилхушӣ ба вуҷуд оваранд. Усули Snap акнун имконият медиҳад, ки дар экран бо тартиби муайян, то чор адад оинаи барномаҳо ҷойгир карда шаванд. Илова бар ин, система метавонад, замимаҳои дигари воридшуда ва тарзи ҷойгиркунии онҳоро нишон диҳад.
Сарчашма: matrix-tv.tj
Нет комментариев