Санаи 13-уми марти соли равон, дар натиҷаи гузаронидани чорабиниҳои фаврӣ-ҷустуҷӯӣ яке аз кормандони Комиссариати ҳарбии ноҳияи Ҷаббор Расулов, марди 35-солаи сокини ҳамин ноҳия, бо гумони талаб намудани пора аз ҷониби кормандони
милитсия дастгир гардид. Гумонбаршуда барои надодани даъватнома дар доираи даъват ва минбаъд аз даъват ба хизмати ҳарбӣ озод намудани даъватшаванда, ҷавони 22-солаи сокини ноҳияи мазкур, ки айни ҳол дар муҳоҷирати меҳнатӣ дар Федератсияи Россия қарор дорад, тавассути посбони комиссариат, марди 35-солаи сокини ноҳия, аз модари даъватшаванда зани 50-солаи сокини ноҳияи Ҷ.Расулов ба маблағи 3000 сомонӣ ҳамчун пора талаб карда гирифтааст. Далели шайъӣ гирифта шуд.
Нисбат ба далели мазкур парвандаи ҷиноятӣ оғоз гардида, тафтишот идома дорад.
Манбаъ: Сомонаи ВКД Ҷумҳурии Тоҷикистон
http://www.mvd.tj/index.php/tj/
Нет комментариев