Соли равон дар шаҳри Душанбе бунёди 60 адад таваққуфгоҳҳои аз 1 то 4-сатҳа барои нигоҳдории нақлиёт ба нақша гирифта шудааст. Дар ин бора муовини якуми Раиси шаҳри Душанбе Маҳмадсаид Зувайдзода зимни нишасти матбуотӣ ба намояндагони ВАО хабар дод. Тибқи иттилои номбурда, айни ҳол дар шаҳри Душанбе бо истифода аз таҷрибаи шаҳрҳои пешрафта сохтмони намунавии чунин таваққуфгоҳҳои пулакӣ, ки фаъолияти онҳо ба таври худкор ба роҳ монда шудааст, оғоз шудааст. «Соли 2017 дар пойтахт 8 адад чунин таваққуфгоҳҳо мавриди баҳрабардорӣ қарор гирифтанд. Тибқи нақшаи тарҳрезишудаи мақомоти иҷроияи ҳокимияти давлатии шаҳри Душанбе, дар навбати аввал чунин таваққуфгоҳҳо дар назди Театри миллӣ ва меҳмонхонаи «Вахш» сохта мешаванд», — изҳор намуд М.Зувайдзода.
Манбаъ: сомонаи расмии АМИТ «Ховар»
Нет комментариев