Дар ҳавои тафсон одамон дар навбати аввал дар бораи яхмос фикр мекунанд. Албатта онро аз мағоза харидан мумкин аст. Вале андаке вақтро сарф намуда, дар шароити хона яхмос омода карда, худ ва инчунии ҳамаи аъзои оиларо хушҳол гардонидан мумкин аст.
Яхмоси пломбир дар шароити хона ин тавр тайёр карда мешавад: 1 литр шир, 100 грамм равған, 2 стакон шакар, 1 қошуқи чойнӯши крахмал, 5-то зардии тухм мегиред. Ширро ба зарф рехта, дар болои оташ мегузоред, зуд равған илова мекунад. Ширро то ҷӯшиш меоред. Дар он вақте ки шир меҷӯшад, шакар ва крахмалро омехта мекунед, зардии тухмро илова карда, то ба вуҷуд овардани хамири яклухт бо қошуқ мекобед. Сипас ба хамираи ҳосилшуда миқдори хурди шир илова мекунед ва он қадар омехта мекунед, ки ба монанди қаймоқи моеъ гардад. Ба шири ҷӯшидаистода тадриҷан хамираи ҳосилшударо рехта, доимо омехта мекунед. Вақте омезиш бори дуюм меҷӯшад, зарфро аз болои оташ гирифта, дар даруни оби хунук мегузоред ва то гарм шудани омезиш мекобед. Сипас мегузоред, ки он хунук шавад. Омезиши хунукшударо дар қолабҳо гузошта, ях мекунонед.
Барои тайёр намудани яхмоси шоколадӣ ба Шумо зарур аст:
— 3-то зардии тухм;
— 1 қошуқи чойнушии хокаи қанд;
— 300 грамм шир;
— 200 грамм шоколади талхи сиёхҳ
— 150 грамм қаймоқ.
Зардии тухмро бо хокаи қанд кафк мекунонед. Шири қариб то ҳолати ҷӯшонда овардашударо ба фавраи тунук саросема нашуда, ба хамираи зардии тухм ва қанд рехта, онро омехта карда меистед. Креми ҳосилшударо аз ғалбер гузаронида, ба зарфи тозаи чуқур резед. Онро дар болои оташ гузошта, то ғафсшавӣ нигоҳ доред. Сипас гузоред, ки хунук шавад, шоколад ва қаймоқи обкардашударо резед. Креми ҳосилшударо ба қолабҳо рехта, ях кунонед.
Яхмоси лимӯгӣ ин тавр тайёр карда мешавад: 5 лимӯ, 150 грамм шакар, 2 стакон об, як чимда намак мегиред. Шакарро дар об ҳал мекунед ва сиропи тайёркадашударо дар оташи суст мегузоред. Пӯсти лимӯро илова намуда, то ҷӯшиш меоред, 5 дақиқа меҷӯшонед. Намак илова мекунед. Соф ва хунук мекунед. Шарбати аз 5 лимӯ фишурдаро илова мекунед. Хамирро дар қолабҳо рехта, ях мекунонед.
Нет комментариев