Истифодабарандагони азиз, имрӯз мехоҳам якчанд мулоҳизоти худро оид ба вазъи обу ҳаво иброз намоям
Имрӯз 26 август ва мувофиқи пешгӯии обуҳавошиносон ҳарорати ҳаво рӯзона 25 дараҷа гармиро ташкил медиҳад. Аммо ба фикрам ҳаво вақти нисфирӯзӣ аз нишондоди ҳавосанҷон нисбатан гармтар мебошад. Ба ҳар бобат лек саҳаргоҳон ва шабона аллакай ҳаво нисбатан сардтар аст, зеро шаби гузашта сутунчаи симобӣ 15 дараҷа гармиро нишон медод. Аз ин рӯ шабона аллакай бе бистар хоб рафтан ғайри имкон аст. Модарони мӯҳтарам пеш аз ҳама шумоёнро ҳушдор месозам, зеро мову шумо бештар ба фарзандонамон аҳамият медиҳем – мехоҳам гӯям, ки бехабар намонед, ки болои кӯдаконатон кушода монаду онҳо бемор гарданд, аз ин бобат тӯли шаб якчанд маротиба хабаргириашон кунед. Дигар ин ки аллакай саҳаргоҳон ба кӯча пойлуч бароем, пойҳоямон, ки онҳо пеш аз ҳама тағйироти ҳароратро хеле хуб ҳис мекунанд, хунук мехӯранд. Пойҳоямон пӯшидани ҷуробро аллакай бардошт мекунад. Бинобар ин боз ҳам ба шумо, модарони азиз рӯй меорам: ба фарзандони хурдсоли худ либосҳои нисбатан гармтарро саҳарӣ ва шабона вақти хоб куниашон пӯшонед, то аз шамолкашӣ эмин бимонанд.
Аз рӯи масали мо тоҷикон «агар харбуза аз пӯлокаш ҷудо шавад, хунукӣ мефарояд», яъне думчалакӣ харбуза кӯчад, ҳаво минбаъд салқинтар мегардад. Ва ба фикрам ин ҳолат аллакай рух додааст, ки рӯзҳо ҳаво нисбатан салқинтар гаштааст, ҳамин тавр не, хонандагони гиромӣ! Дигар чизе ки ин гуфтаҳои маро пурра собит сохт, ин чун ҳаррӯза фаъол насохтани кондитсионери ҳуҷраи корииамон аст: кондитсионери бечораи ҳуҷраи мо тамоми рӯз беист ҳавои утоқамонро мӯътадил нигоҳ медошт, аммо имрӯз ҳеҷ кас дар талоши пулти он сардкунакро ба кор намедаровард. Оё дар хонаҳои шумо, ҷои коратон айнан ҳамин ҳолат ҳукмфармо аст, ё на? Агар бобати ин мавзӯъ гуфтание дошта бошед, ҳатман ба мо нависед!!!
Нет комментариев