То Қаҳрамонии Ҷаҳон оид ба ҷудо дар Тошканд, 2 рӯзи дигар боқӣ монд!

0
372 просмотров

Аз 6-ум то 13-уми октябр шаҳри Тошканди Ҷумҳурии Ӯзбекистон мизбони Қаҳрамонии ҷаҳон оид ба ҷудо миёни калонсолон мегардад.

Ба иттилои сомонаи расмии Федератсияи байналмилалии ҷудо, ҷиҳати иштирок дар чемпионати ҷаҳон 563 ҷудокор  (305 мард, 258 зан) аз 85 кишвар ширкат меварзанд.

Тоҷикистонро дар Қаҳрамонии ҷаҳонии ҷудо дар Тошканд 9 ҷудочӣ намояндагӣ мекунанд:

-66кг – Эмомалӣ Нуралӣ
-73кг – Беҳрӯз Хоҷазода
-73кг – Муҳаммадраҳим Сарахонов
-81кг – Шодмон Ризоев
-81кг – Сомон Маҳмадбеков
-90кг – Ҷаҳонгир Маҷидов
-90кг – Комроншоҳ Устопириён
-100кг – Абубакри Акобир
+100кг – Темур Раҳимов

Қаҳрамонии ҷаҳон аз рӯи 14 вазн (7 вазн миёни мардҳо ва 7 вазн миёни бонувон) доир мегардад.  Ҳамчунин рақобатҳои даставии омехта дар рӯзи охири мусобиқа баргузор мешавад.

Ғолибону ҷоизадорони мусобиқа ҳамчунин бо ҷоизапулӣ  қадрдонӣ карда мешаванд.  Дар қувваозмоиҳои инфиродӣ барои ҷои аввал 26000 евро, барои ҷои дуюм 15000 евро ва барои ҷои сеюм 8000 евро пешбинӣ шудааст.

Дар рақобати даставии омехта бошад, ба ғолиб 90000 евро, ба барандаи ҷои дуюм 60000 евро ва ба барандагони ҷои сеюм 25000-евроӣ тақдим хоҳад шуд.

Ҷараёни ҳамаи рақобатҳоро МД Телевизиони “Варзиш” ба таври мустақим намоиш медиҳад. Ҳамчунин ҳайати эҷодию техникии телевизиони “Варзиш”  бевосита ба макони баргузории мусобиқа сафар карда,  гузоришу хабарҳо омода мекунанд.

Манбаъ: Варзиш-ТВ

Нет комментариев

Также рекомендуем

Сообщить об опечатке

Текст, который будет отправлен нашим редакторам: