Тоҷикистон: Бори аввал ба филмофарон Синамоҷоизаи миллӣ тақдим мегардад

0
814 просмотров

1 апрел бори аввал дар Ҷумҳурии Тоҷикистон бахшида ба ҷашни байналмилалии Наврӯз маросими ҷоизасупории Синамоҷоизаи миллии «Тоҷи Сомон» таҳти шиори «Қадршиносии ҳунари асил» бо ширкати созандагони филмҳои миллӣ баргузор мешавад, иттилоъ доданд ба АМИТ «Ховар» дар Муассисаи давлатии «Тоҷикфилм».

Барои ба даст овардани ин ҷоизаи миллӣ тӯли як моҳ ҳайати доварон ба беҳтарин филмҳои нави ватанӣ, ки давоми солҳои 2019-2021 аз ҷониби филмофарони дохилӣ рӯйи навор омадаанд, баҳо гузоштанд.

Ҳадаф аз баргузории озмун- тарғиби дастовардҳои беҳтарини синамои миллӣ, тақвияти ҳамкории синамогарони Тоҷикистон ва дастгирии ҷавонони боистеъдод мебошад.

Синамоҷоизаи миллӣ аз озмуни филмҳои ҳунарӣ, мустанад, бадеии кӯтоҳ ва тасвирии миллӣ иборат мебошад.

Муассисони синамоҷоиза Ҳукумати Ҷумҳурии Тоҷикистон ва Муассисаи давлатии «Тоҷикфилм» мебошанд.

Маросими ҷоизасупории Синамоҷоизаи миллии «Тоҷи Сомон» бо дарназардошти барномаи фарҳангӣ ва иштироки васеи филмсозон 1 апрел, соати 18:00, дар Театри давлатии академии опера ва балети ба номи Садриддин Айнӣ баргузор мегардад.

Манбаъ: АМИТ «Ховар»

Нет комментариев

Также рекомендуем

Қурби расмии асъор барои имрӯз: 24.01.2022

Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 11.3000сомонӣ; 1 евро – 12.8018 ...

Сообщить об опечатке

Текст, который будет отправлен нашим редакторам: