То рақобати Нурулло ва Рафаэл дар UFC 2 рӯз боқӣ мондааст

0
366 просмотров

Нурулло Алиев, размикори тоҷик дар муҳорибаҳои омехта (ММА), аввалин рақобаташро дар мусобиқоти UFC Vegas 70 дар вазни сабук шаби 26-уми феврал дар шаҳри Лас-Вегаси иёлати Невадаи ИМА баргузор мекунад.

Рафаэл Алвеси 32-солаи бразилӣ рақиби Нурулло Алиеви 23 сола аст. Ин нахустин рақобати Нурулло дар ин ташкилот маҳсуб мешавад. Алвеси бразилӣ бошад, дар UFC (Ultimate Fighting Championship) рақобати чаҳоруми худро доир менамояд. Ӯ дар ду набард пирӯз шуда, дар набарди пешин аз Дрю Добери амрикоӣ бо нокаут мағлуб гаштааст.

Ҳаводорони ин намуди варзиш Алвесро аз бархӯрди ӯ бо Дамир Исмагулов хуб дар ёд доранд, ки вай муқобили ситораи қазоқ муборизаи сахт бурда, дастболо шуд. Дар маҷмӯъ, Алвес дар MMA 20 ғалаба ва даҳ бохт дорад. Алвес ҳуқуқи ширкат дар лигаи зӯртаринҳоро тавассути Dana White’s Contender Series ду сол пештар аз Алиев ба даст овардаааст.

Ёдовар мешавем, ки муҳорибаи Нурулло Алиев ва Рафаэл Алвес шаби 26-уми феврал соати 03:00 бо вақти Душанбе оғоз меёбад.  Нурулло Алиев дилпурона мубориза мебарад, ӯ ҳам аз лиҳози физикӣ ё ҷисмонӣ пурқувват асту ҳам аз ҷиҳати маҳорат аз рақибаш камӣ надорад. Ҳам услуби мубориза ва ҳам намуди зоҳирии Нурулло Алиев ба Ҳабиб Нурмагомедов, размикори машҳури доғистонӣ, шабоҳат дорад.

Мавриди зикр аст, Нурулло Алиев моҳи сентябри соли гузашта дар Лас-Вегас дар муҳорибаҳои омехта, дар доираи мусобиқаи интихобии Dana White’s Contender Series барои бастани шартнома бо UFC ба рақиби амрикоиаш Ҷош Уик бо нокаути фаннӣ дар сонияҳои охирини раунди аввал ғолиб шуд. Қаблан размикори тоҷик дар мусобиқоти GFC и AMC Fight Nights иштирок мекард.

Нурулло Алиев аввалин варзишгар аз Тоҷикистон аст, ки ба созмони UFC (“Қаҳрамонии мутлақ оид ба якҳарба”) дохил шуд ва то ҳоло шикастнопазир мебошад. Ӯ дар ҳамаи ҳашт қувваозмоиаш дастболо шуда, дутоашро бо нокаут анҷом додааст.

Манбаъ: Варзиш-ТВ

Нет комментариев

Также рекомендуем

Қурби расмии асъор барои имрӯз: 30.06.2022

Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 10.5578 сомонӣ; 1 евро – ...

Сообщить об опечатке

Текст, который будет отправлен нашим редакторам: