Бахшида ба Рўзи Президенти Ҷумҳурии Тоҷикистон аз 5 то 10-уми ноябри соли равон дар майдони варзишии Муассисаи давлатии “Мактаби варзиши №1”-уми шаҳри Хуҷанд мусобиқаи шаҳрӣ оид ба футбол байни дастпарварони мактабҳои варзишӣ баргузор гардид.
Дар мусобиқаи мазкур 8 даста бо фарогирии 120 нафар варзишгарон иштирок намуданд ва дар натиҷа қувваозмоӣ ҷои якумро дастаи “Томирис”-и мактаби варзишии №1-уми шаҳри Хуҷанд, ҷои дуюмро дастаи “Сирдарё”-и Мактаби махсуси футболи вилояти Суғд ва ҷои сеюмро дастаи “Маъруф”-и Мактаби варзиши №1-уми шаҳри Хуҷанд ба даст оварданд.
Аз ҷониби намояндагони Мақомоти иҷроияи ҳокимияти давлатии шаҳри Хуҷанд ба ғолибони мусобиқа диплом, медал ва ҷом супорида шуд.
Бояд зикр намуд, ки тадбир тибқи нақшаи чорабинии бахши кор бо ҷавонон ва варзиши шаҳри Хуҷанд, ҷиҳати татбиқи Қонуни Ҷумҳурии Тоҷикистон «Дар бораи тарбияи ҷисмонӣ ва варзиш», нақшаи тақвими ягонаи чорабиниҳои оммавӣ, варзишӣ, солимгардонӣ ва иштирок дар мусобиқаҳои вилоятӣ, ҷумҳуриявӣ ва байналмилалӣ дар соли 2018, бахшида ба эълон гардидани соли 2018 «Соли рушди сайёҳӣ ва ҳунарҳои мардумӣ» пиёда мегардад.
Манбаъ: Дафтари матбуоти Раиси шаҳри Хуҷанд
Нет комментариев