Тозагӣ гарави саломатист!

0
11 633 просмотров

Инсон дар рӯи замин сарчашмаи ҳамаи ободиҳо, озодиҳо ва пешравию комёбиҳои ҳаёт аст. Тамоми мавҷудоти олам маҳз тавассути меҳнати фидокоронаи инсони асил арзи ҳастӣ мекунанд. Инсоне, ки саропо манбаи дастовардҳои асилу пурарзиш аст. Инсоне, ки гулу гиёҳро ҳастӣ мебахшад. Инсоне, ки ҳайвоноту набототро нигаҳбон аст. Инсоне, ки муҳиту ҷомеаро созгор мебошад. Инсоне, ки дар ҳама соҳаҳо пешрав гардидааст. Инак, ин инсони созандаву ҳаётофарин, ки қудрату бузургӣ дорад, созандаи муҳити солим, фарзандони баркамол ва нишондиҳандаи сифатҳои олии инсонӣ дар рӯи замин аст.

xu-and

Тавассути ақли бузургаш инсон

муҳитро тозаву озода нигоҳ медорад,

аз ифлосиву нопокиҳо эмин медорад.

Покии ҳар як гӯшаву канор, молу амвол, чизу чора ва оилаву фарзандони солим маҳз аз инсоният вобастагӣ дорад.

ШТРР “Тирози Ҷавонӣ” ва Медиапортали “Тироз” Лоиҳаи мултимедиявӣ (бисёррасонавӣ)-и “Харитаи интерактивии бакҳо ва қуттиҳои партов, нуқтаҳои қабули фурӯзонакҳои каммасраф, макони оббозӣ (пляж) ва ҳоҷатхонаҳои ҷамъиятии шаҳри Хуҷанд”-ро бо дастгирии ҳамаҷонибаи Мақомоти иҷроияи ҳокимияти давлатии шаҳри Хуҷанд, шахсан Раиси шаҳри Хуҷанд мӯҳтарам Шариф Шарифзода амалӣ карда истодааст.

binoi-mi-d-i-hu-and

Лоиҳаи «ХАРИТАИ ЭКОЛОГӢ»-и шаҳри Хуҷанд коркард, муаррифӣ ва мутобиқат карда шуд. 10 маҳалла ва микроноҳия-минтақаҳои таҷрибавӣ (пилотӣ)-и шаҳр интихоб ва тасдиқ гардиданд, ки инҳо: маҳаллаҳои Пахтакор, Раззоқ, Панҷшанбе, Гулбаҳор, Бофандаи соҳили чапи дарё ва микроноҳияҳои 8-ум, 13-ум, 20-ум, 32-юм ва 34-уми соҳили рости дарё мебошанд.

Ҳар ҳафта рӯзи ҷумъа гурӯҳи корӣ дар назди роҳбари лоиҳа Хуршед Ӯлмасов ҷамъ омада, аз рафти амалишавии лоиҳа ҳисобот медиҳанд ва барои ҳафтаи нав вазифагузорӣ карда мешаванд.

vnizu-stat-pravleniya

Дар қатори сохтору шӯъба ва бахшҳои мақомоти давлатӣ, шаҳрвандони фаъол, ки нисбат ба тозагии муҳити зист бепарвову бетараф нестанд, дар амалишавии лоиҳаи мазкур иштирок карда истодаанд. Онҳо аксҳои бо таҷҳизоти мобилии худ гирифтаашонро вобаста ба ифлосии гирду атроф, бахусус маҳалли зист ва ҳам ҷойи кор, тавассути Вотсапп (Whatsapp) ба рақами 92-882-66-66 ирсол менамоянд. Аксҳои фиристода дар бахши “Эко-Харитаи Хуҷанд”-и Медиапортали “Тироз” www tiroz.org  ҷой дода мешаванд. Яке аз чунин шаҳрвандони фаъол сокини маҳаллаи 20-ум мебошад ва ӯ акси партовро, ки дар ҷойи ғайримуқаррарӣ партофта шудааст, гирифта, ба мо ирсол намудааст. Бо хоҳиши зиёди ин шахс аз гуфтани ному насабаш худдорӣ менамоем.

povorot-28-mkr-na

Ба мо ҳамчунин аксҳо аз мавҷудияти партов дар гардиши микроноҳияи 28-ум, даромади Автовокзали “Роҳи Абрешим” ва бинои 17-уми маҳаллаи 20-ум расидаанд.

13-mkr-infektsionnaya-bolnitsa

Агар дар маҳаллаҳои зикршуда партов дар ҷойҳои ғайримуқаррарӣ партофта шуда бошанд, пас дар микроноҳияи 13-ум дар рӯбарӯи Беморхонаи бемориҳои сироятӣ партови ҷамъшуда дар вақту соати муайянгардида бардошта нашудааст, ки дар натиҷа бакҳо ё худ қуттиҳои партовпартоӣ пур шуда, партов ба замин рехтааст. Аксҳои исботкунанда дар бахши “Эко-Харитаи Хуҷанд”-и Медиапортали “Тироз” www tiroz.org  аллакай ҷой дода шудаанд ва ҳар яки Шумо метавонед аз онҳо дидан кунед.

Хонандагони азиз, ҳамин тавр ҳар яки Шумо низ метавонед дар самти тозагии муҳити зисти худ ва амалишавии Лоиҳаи “Харитаи экологӣ”-и шаҳри Хуҷанд саҳмгузор бошед.

Албатта, нафарони фаъол барои аксҳои зиёду мувофиқи мавзӯъ гирифта, тавассути Вотсапп (Whatsapp) ба рақами 92-882-66-66 фиристодаашон бо тӯҳфаҳои махсус сарфароз гардонида мешаванд. Агар Шумо шаҳри худро дӯст доред ва нисбат ба тозаву обод нигоҳ доштани он, аз ҷумла тозагии муҳити зист бетараф набошед.

Гурӯҳи кории Лоиҳаи “ХАРИТАИ ЭКОЛОГӢ”-и шаҳри Хуҷанд ба тамоми хонандагони арҷманд, бахусус ҷавонон ва насли наврас муроҷиат карда, хоҳиш менамояд, ки чун ҳамешагӣ Хуҷандамонро дӯст ва муҳити онро ҳамеша тоза нигоҳ дорем!

 

Нет комментариев

Также рекомендуем

Таъсиси Стипендияи Раиси вилояти Суғд барои донишҷӯён, магистрантон ва аспирантон

Бо мақсади ҳавасмандкунӣ, дастгирии моддиву маънавии донишҷӯён, магистрантон ва аспирантони фаъоли муассисаҳои таҳсилоти олӣ ва миёнаи касбии вилоят Стипендияи Раиси вилояти Суғд барои соли хониши ...

Сообщить об опечатке

Текст, который будет отправлен нашим редакторам: