Ҷудочии навраси тоҷик қаҳрамони Осиё шуд

0
2 227 просмотров

Қаҳрамонии Осиё миёни наврасон оид ба ҷудо  рӯзҳои 27-28 июл  дар  шаҳри Тайпейи Чин баргузор шудааст.

Дар ин бора Кумитаи миллии олимпии Тоҷикистон хабар медиҳад.

Бино ба гузориши манбаъ, Ғаниҷон Ғаниев дар вазни -73 кг дар даври аввал озод буда, сипас дар даври ¼-ниҳоӣ варзишгари Австралия Даннӣ Воҷникевичро шикаст дода, ба даври нимниҳоӣ баромадааст.

«Ғаниев дар даври нимниҳоӣ бар варзишгари мизбон Чин-Лианг Чу ва дар даври ниҳоӣ бар намояндаи Қазоқистон Серикбол Йестай дастболо шуда соҳиби нишони тиллоӣ ва мақоми аввали сабқат гардид», — омадааст дар хабарнома.

Манбаъ афзуда, ки Ғаниҷон соли гузашта дар Қаҳрамонии Осиё миёни наврасон дар Лубнон сазовори медали биринҷӣ шуд.

Паҳлавони дигари навраси тоҷик Мансур Раҳмон дар вазни -90 кг сазовори медали биринҷӣ гардидааст. Ӯ сипас дар қувваозмоӣ барои ҷои сеюм бар варзишгари Қазоқистон Нурасил Болат дастболо шудааст.

Дастаи мунтахаби  Тоҷикистон  дар маҷмӯъ соҳиби се медал – як тилло ва ду биринҷӣ гардидааст. Ду варзишгари дигар, Ҳайдаршо Мирзомуддинов дар вазни -73 кг ва Иброҳимҷон Элмуродов дар вазни +90 дар даври аввал аз ҳарифонашон шикаст хурданд.

Ёдовар мешавем, ки  варзишгарбонуи тоҷик Аҳлия Муъминова 27 июл дар ин мусобиқа дар вазни -52 кг миёни духтарон  сазовори медали биринҷӣ гардида буд.

Дар Қаҳрамонии мазкур  159 нафар варзишгар (94 писар, 65 духтар) аз 17 давлати қораҳои Осиё ва Уқёнус иштирок карданд.

Манбаъ: https://sputnik-tj.

 

Нет комментариев

Также рекомендуем

Намаки баҳрӣ

Намакро аз оби баҳр ҳанӯз дар давоми садсолаҳо боз ба даст меоранд. Дар замонҳои қадим гузаштагони мо роҳи аҷибро барои ба бадастории намаки баҳрӣ истифода ...

Сообщить об опечатке

Текст, который будет отправлен нашим редакторам: