Ҳушдори КҲФ аз селборону раъду барқ ва шамоли сахт

0
1 739 просмотров

Кумитаи ҳолатҳои фавқулода ва мудофиаи граждании назди ҳукумати Тоҷикистон иттилоъ медиҳад, ки рӯзҳои 14-15 июл дар қаламрави ҷумҳурӣ обуҳавои номусоид дар назар буда, борони шадиди сел, раъду барқ ва пурзӯр шудани вазиши шамол то 17-22 метр дар як сония пешбинӣ мешавад.

Корманди маркази матбуоти Кумита Умеда Юсуфова ба «Азия-Плюс» дар ин робита иттилоъ дод, ки зимни раъду барқ осеб дидани иншооте имконпазирмебошад, ки бо таҷҳизоти ҳифз аз оташак (молния)-и раъду барқ таъмин нестанд.

«Ҳангоми вазидани шамоли сахт имкони хароб шудани хатҳои интиқоли барқ, қисман шикастану афтодани дарахтҳо, сохторҳои бузургҳаҷми рекламавии номустаҳкам низ вуҷуд дошта, ба осеб дидани воситаҳои нақлиёт, афзоиши ҳодисаҳои ҷароҳатбардорӣ миёни аҳолӣ боис шуда метавонанд», — иброз дошт ӯ.

Зимнан зикр гардид, ки дар ин робита Кумита аз шаҳрвандони кишвар ва меҳмонон дархост мекунад, ки дар ин рӯзҳо ба хотири эҳтиёт ва таъмини амнияту бехатарии худ ба тавсияҳои зерин риоя кунанд:

— пӯшидани тирезаҳо зимни аз хона бадар шудан;

— мувофиқи имкон дар гараж гузоштани автомашина ва дар сурати мавҷуд набудани он, гузоштани воситаи нақлиёт дуртар аз дарахтҳо ва сохторҳои номустаҳкам;

— гаштугузори дуртар аз назди панҷараи лавҳаҳои рекламавӣ ва сохторҳои ҷунбону ноустувор.

Манбаъ: http://news.tj/tj

Нет комментариев

Также рекомендуем

Ғолибияти хонандагони Хуҷанд дар Амрико

Ду нафар нафар муҳассилини литсейи хонандагони болаёқати шаҳри Хуҷанд бо раҳнамоии роҳбарашон аз сафари Амрико бо ғолибият баргаштанд. Хонандагони синфи 10-и литсейи хонандагони болаёқати шаҳри ...

Сообщить об опечатке

Текст, который будет отправлен нашим редакторам: