Варзишгарони тоҷик дар Чемпионати Осиё оид ба ҷиу-ҷитсу 4 медал ба даст оварданд. 5-ум Чемпионати Осиё оид ба ҷиу-ҷитсу аз 12 то 16 сентябр дар шаҳри Абу Дабии Аморати Муттаҳидаи Араб баргузор шуд.
Дар чемпионат варзишгарон аз 14 давлати қора ширкат намуданд. Ҷумҳурии моро се нафар – Маъруфҷон Назарзода, Ҷумахон Ҷумахонов ва Малика Бобоева намояндагӣ карда, 4 медал (1 тилло, 1 нуқра, 2 биринҷӣ) ба даст оварданд.
Медали тиллоро Маъруфҷон Назарзода дар вазни +94кг сазовор шуд. Дар ин вазн ҷои дуюм насиби варзишгари Кореяи Ҷанубӣ Ил Йок Ҷон, ду ҷои сеюм насиби варзишгарони Қазоқистон (Еркебулан Алтимбеков) ва Баҳрайн (Холид Фараҷ) гардид. Малика Бобоева дар вазни -45кг се медал гирифт. Ӯ дар бахши “Adults Contact” (расиш) сазовори медали нуқра, дар бахшҳои “Adults” ва “Adults Fighting” (мубориза) сазовори ду медали биринҷӣ шуд.
Манбаъ: varzishtv.tj
Нет комментариев