Созандагони месенҷери WhatsApp маълумоти омороиеро дарҷ карданд, ки тибқи он теъдоди аз замима истифода мебурдагон 700 млн. нафарро гузашт. Ҳамин тариқ, WhatsApp дар якҷоягӣ бо iMessage ба бозори хизматрасонии СМС-хабар ба таври муайян  таъзиқ оварданд. Маълумоти  омории хабарҳо тавассути месенҷерҳо ба чунин хулоса водор мекунад, ки WhatsApp байни месенҷерҳо дастболо мешавад. Аз ҷумла, замима чунин хизматрасониҳоро ба монанди  WeChat ва Facebook Messenger-ро пешдастӣ мекунад. Ҳамзамон бояд қайд кард, ки Facebook, ки дар гузашта месенҷерро харидорӣ карда буд, ба шарофати ин ихтироот мавқеи худро дар бозор ба таври муайян мустаҳккам намуд.

Ба ин ҳама нигоҳ накарда мувофиқи хулосаи коршиносон дастоварди асосии месенҷери WhatsApp маъруфияти хизматрасонии СМС-ро афзалӣ кард. Далели ин гуфтаҳо рақаму теъдоди ирсоли хабарномаҳо тавассути месенҷер аст, ки наздик 30 млрд. ададро ташкил медиҳад. Ин дар ҳолате, ки тавассути СМС ҳамагӣ 20 млрд. хабар ирсол шудаасту халос. Хўш, чӣ тавр фаҳмидан мумкин аст, ки хизматрасонии месенҷер дар бозор ба хизматрасонии СМС таъзиқ меорад?!

Барои хулоса баровардан дар бораи он ки СМС мавқеи худро аз даст медиҳад, омўхтани ҷадвали хабарҳои ирсолшуда ба ҳисоби миёна ба ҳар сари одам дар як моҳ ба ҳар гуна давлатҳо аз соли 2008 то соли 2013 басанда аст. Аммо, маълумотҳо мувофиқи Русия дар бораи болоравии маъруфияти СМС дар бозори Ватанӣ далолат медиҳанд. Ҳамин гуна ҳолат дар Хитою Фаронса, Бразилияву Маҷористон ва ғайра давлатҳо ба назар мерасад. Дар як вақт бисёр аз кишварҳои мутараққӣ нуқтаи олии маъруфияти СМС-ро паси сар намуда, ба хизматрасониҳои  дигар аз ҷумла WhatsApp гузаштанд.

Теъдоди хабарҳои ирсолшуда таассути WhatsApp

Шабакаи iMessage (ширкати  Apple) дар таъзиқи СМС метавонад роли калон бозад. Ҳарчанд, купертиниҳо маълумотро дар бораи хабарномаҳои ирсолшуда маҳфуз нигоҳ медоранд, аз теъдоди истифодабарандагони  iPhone (наздик 400 млн.) тахмин кардан мумкин аст, ки нишондиҳандаҳои месенҷери «себӣ» аз нишондодҳои WhatsApp камӣ надоранд. Табиист, ки ин ду шабакаи хизматрасонӣ ба таъзиқи қатъии СМС аз бозор камари ҳиммат бастаанд.

Сарчашма:  matrix-tv.tj