Китобхонаи миллии Тоҷикистон
Китобхонаи миллии Тоҷикистон ба номи Абулқосим Фирдавсӣ соли 1933 дар заминаи китобхонаи шаҳрӣ таъсис ёфта, соли 1934 ба ифтихори 1000-солагии Абулқосим Фирдавсӣ номи ӯро гирифт. Дар даврони шӯравӣ дар хазинаи китобхона зиёда аз 3 млн нусха китобу дастхатҳои нодир ба забонҳои гуногун ҷамъ оварда шуда, барои истифодаи хонандагон пешкаш карда мешуданд. Соли 1993 Китобхона мақоми миллиро соҳиб шуд. Дар фонди китобхона 3 миллиону 326 ҳазору 300 нусха китобу дастхатҳои нодир маҳфузанд ва аз онҳо беш аз 35000 нафар хонандагон истифода мекунанд. Бунёди бинои нави Китобхонаи миллии Тоҷикистон соли 2007 оғоз ёфт. Масоҳати умумии китобхона ҳудуди 45 ҳазор метри мураббаъ буда, он дорои 40 толори хониш, 22 махзан барои нигоҳдории беш аз 10 миллион нусха китоб ва дигар асноди иттилоотӣ, маҷлисгоҳҳо ва чопхона мебошад. Бинои нав 167 метр дарозӣ ва 52 метр баландӣ дошта, аз чор қисм: қисми «а» — аз 9 ошёна бо таҳхона, қисми «б» ва «в» аз 6 ошёна бо таҳхона, қисми «г» аз 4 ошёна бо ошхона иборат аст. Масоҳати умумии китобхона 44 ҳазору 78 метри мураббаъ мебошад. Соли 2011 дар Душанбе бузургтарин дар Осиёи Марказӣ Китобхонаи миллии Тоҷикистон бунёд ва ба истифода дода шудааст. Теъдоди хазинаи Китобхонаи миллии Тоҷикистон зиёда аз 6 миллион нусха китобро ташкил медиҳад. Аз он ҷумла, зиёда аз 3 млн нусха хазинаи Китобхонаи давлатии ба номи Абулқосим Фирдавсӣ ва боқимонда саҳми аҳолии Тоҷикистон ва муассисаҳои давлативу хусусӣ, ташкилоту созмонҳои байналмилалӣ мебошад.
Дар муқоиса бо Китобхонаи миллии Тоҷикистон мо китобхонаҳои миллии давлатҳои дигарро бо чунин шаклу намуд дарёфт намудем.
Китобхона милли дар Ҷумҳурии Белорус
Ин китобхонаи миллӣ дар Ҷумҳурии Белорус, ки бинои китобхона яке аз рамзҳои фарқкунандаи давлати Беларус мебошад. Дар соли 2006, интиқоли маҷмӯаҳои китобҳо дар бинои нави китобхона оғоз ёфт. Дар дохили Китобхонаи миллӣ беш аз 100 намуди растаниҳо қариб аз ҳамаи гӯшаи дунё дида мешавад.
Китобхонаи миллии Ҷумҳурии Латвия
Ба фикри Шумо, китобхонаи аҷиб танҳо дар Белорус аст? Албатта, не! Ин Китобхонаи миллии Ҷумҳурии Латвия, ки бештар ба айсберг ва пирамида монандӣ дорад.
Китобхонаи миллии Қирғизистон
Китобхонаи миллии Қирғизистон — Китобхонаи асосии кишвар бо беш аз 6 миллион нусха китоб!
Китобхонаи милли дар Ҷумҳурии Қазоқистон
Китобхонаи миллии Ҷумҳурии Озарбойҷон
Китобхонаи миллии Ҷумҳурии Озарбойҷон ба номи М.Ф.Охундов. Ифтитоҳи ин китобхона санаи 23 майи соли 1923 сурат гирифтааст. Фонди китобхона дорои 4 млн 513 ҳазор китоб мебошад.
Китобхонаи миллии Ҷумҳурии Ӯзбекистон ба номи Алишер Навоӣ
Бо вуҷуди ин Китобхонаи миллии Тоҷикистон аз ҷиҳати дарозӣ, баландӣ ва зебогӣ дар қиёс бо китобхонаҳои миллии кишварҳои дигар назаррабо аст.
Ҳадаф аз пешниҳоди ин мавод ҷалби ҳарчӣ бештари таваҷҷӯҳи шаҳрвандон ба китобхона, китоб, китобдорӣ ва китобхона аст. Зеро,
Аниси кунҷи танҳоӣ китоб аст,
Фурӯғи субҳи доноӣ китоб аст.
Нет комментариев