Ширкати холдингии Yahoo пас аз фурӯши қисмати асосии интернет-бизнеси худ ба оператори мобилии Verizon, номи Altaba Inc-ро мегирад. Дар ин бора ҳуҷҷатҳои ба Комиссия оид ба қоғазҳои қимматбаҳо ва биржаи ИМА пешниҳод кардаи ширкат шаҳодат медиҳанд.
Аз он ҳуҷҷатҳо боз маълум мешавад, ки роҳбари Yahoo Марисса Майер ба шӯрои роҳбарони нави ширкат шомил намегардад. Мутобиқи андешаи бсиёриҳо маҳз Майер, ки то замони омадан ба Yahoo дар вазифаи гуногуни роҳбарӣ, дар Google кор кардааст, дар муфлисшавии ширкат айбдор мебошад.
Ёдовар мешавем, ки тобистони соли гузашта Yahoo ва Verizon дар бораи фурӯши тамоми интернет-саҳмияҳои охирини Yahoo ва инчунин амволи ширкат ба маблағи 4,83 миллиард доллар ба мувофиқа омаданд. Ба ин амвол тамоми системаҳои ҷустуҷӯӣ, хадомоти коммуникатсионӣ ва маводи сомонаҳо шомил мешаванд. Ин бизнес саҳмияҳои медиавии AOL пештар харидорӣ кардаи Verizon-ро пурра мегардонад, ки дар натиҷа доираи глобалии Verizon ба миллиард истифодабаранда мерасад.
Саҳмияҳои боқимондаи Yahoo, ки ба интернет гиганти чинии Alibaba ва ширкати Yahoo Japan мансубанду ҳарду тақрибан 40 миллиард доллар арзиш доранд ва чун моликияти шахсии холдинги маблағгузор боқӣ мемонанд, минбаъд Altaba Inc номида мешаванд.
Чанде қабл басташавии шартнома байни Yahoo бо Verizon дар гумон буд. Шартнома пас аз паҳншавии маълумоти оммавӣ дар бораи шикасташавии миллиард сабтҳои қайдии истифодабарандагони интернети ширкат дар соли 2013-ум баста шуд. Дертар манбаи маълумоти асосии истифодабарандагон аз ҷониби хакерон ба маблағи 300 000 доллар дар бозори сиёҳ фурӯхта шуда буд. Ҳамин тавр, ахборот дар бораи ҳар як истифодабарандаи Yahoo (ном, рамз (пароль), рақами телефонӣ, рӯзи таваллуд ва ғайра) ба то 23 дирам муайян карда шудааст.
Манбаъ: TechCrunch
Нет комментариев