Захираи асъори тиллоии Тоҷикистон то 682 миллион доллар зиёд шуд

0
8 577 просмотров

Тоҷикистон дар соли 2016 ҳаҷми захираҳои асъори тиллоии кишварро 37% зиёд гардонид, ки он қариб 682 миллион долларро ташкил медиҳад.

Захираи асъори тиллоии Тоҷикистон дар соли 2016  37% зиёд шуд, мегӯяд раиси Бонки миллии Тоҷикистон Ҷамшед Нурмаҳмадзода.

Раиси бонк қайд мекунад, ки то санаи 1-уми январи соли 2017 ҳаҷми захираи асъори тиллоии кишвар  ба ҳаҷми  2,7 моҳи содирот  ё 681, 975 миллион доллар баробар шуд. Санаи 1-уми январи соли 2016 ин нишондод  486, 6 миллион долларро ташкил мекард.

Нурмаҳмадзода ёдовар шуд, ки мувофиқи меъёрҳои қабулшудаи байналмиллалӣ, ҳаҷми захираи асъори тиллоии ҳар як кишвар бояд бо ҳаҷми содироти семоҳаи он баробар бошад. Ба гуфтаи вай, Бонки миллӣ ва Вазорати молияи барои харидорӣ намудани тамоми ҳаҷми тиллои дар кишвар истеҳсолшаванда вазифадор карда шудаанд.

Рушди иқтисоди Тоҷикистон дар соли 2016 мувофиқи маълумоти бонки миллӣ 6,9%, ки нисбат ба соли 2015- о,9 дараҷа- 54,5 миллиард сомонӣ(қариб 7 миллион доллар) зиёд аст, баробар шуд. Қурби асъор бошад нисбат ба доллар 10,8%, ки 10,3% —и он ба моҳи январи соли 2016 рост меояд, поён фаромадааст.

Дар Тоҷикистон то имрӯз 18 бонк  ва 38 ташкилоти молиявии хурд фаъолият мекунанд.

Манбаъ: sputnik.tj

Нет комментариев

Также рекомендуем

Сообщить об опечатке

Текст, который будет отправлен нашим редакторам: