Аз рӯи рейтинги баланд, аз ҳама  шабакаи иҷтимоии машҳуртарин  Facebook маҳсуб меёбад, ки  4 феврал зодрӯзи худро таҷлил намуд. Аз рўзи пайдоиши Facebook, дар торнамои ҷаҳонӣ соли 2004, дар бораи ин шабакаи иҷтимоӣ ва муассиси он мақолаҳои бешумор нашр гардидааст. Бо вуҷуди ин, бояд зикр намуд, ки дар пайдоиши ширкат на танҳо Марк Зукерберг  балки якчанд дӯстони ӯ низ саҳми худро гузоштаанд.

Ҷавонон аз Facebook, ки буданд ва имрӯз ба ки табдил ёфтаанд?

Дастин  Московитс

Ӯ  ва Зукерберг  дар як  хобгоҳ зиндагӣ мекарданд. Дастин ҳамчун меъмори системаи Facebook  фаъолият бурдааст. Имрӯз Дастин Московитс 30 сол дошта, аз соли 2008 то ин ҷониб муассис-ҳамкори стартапи  Asana, ки бо истеҳсоли таъминоти барномавӣ машғул буда, бо лоиҳа ҳамкориро ба роҳ мондааст, ба ҳисоб меравад.

Эдуардо Саверин

Ӯ дар як  гурӯҳ бо Зукерберг  таҳсил намуда, вазифаи  директори тиҷоратии лоиҳаи The Facebook –ро ба ӯхда дошт. Саверин  ва Зукерберг сармоягузорони  аввалини ширкат ба ҳисоб мераванд,  сармоягузориҳои онҳо  $ 1000-ро ташкил намуда буд. Имрӯз Эдуардо Саверини 32-сола, яке аз ҷавонтарин миллиардерони  ҷаҳон аз рӯи тафсири Forbes маҳсуб меёбад. Ӯ муассис-ҳамкори стартапи  хадамоти онлайн-пардохтии  Jumio мебошад,  ки беш аз 3 млн. доллари ИМА-ро  сармоягузорӣ  намудааст.

Криз Хюз

Ӯ низ дар хобгоҳ ҳамроҳи офарандаи Facebook  зиндагӣ мекард. Криз донишгоҳро аз рӯи ихтисоси адабиёт ва таърих  ба итмом расонидааст. Дар ширкат ҳамчун аввалин котиби матбуотӣ адои хизмат менамуд. Имрӯз Хюзии 31-сола муаллифи лоиҳаи ғайритиҷоратии  Jumo мебошад, ки бо истифода аз шабакаҳои иҷтимоӣ бо одамони кордон алоқаро ба роҳ мондааст.

Адам Ди Анжело

Ҳаммактаби Зукенберг аввалин директори техникии лоиҳаи The Facebook гардид. Имрӯз ӯ директори генералии ширкати шахсии Quora мебошад, ки соли 2010-ум таъсис дода буд. Шӯҳрати манбаъ аз он иборат аст, ки он на танҳо дорои интерфейси хушсифат балки аз ҷиҳати маълумотдиҳӣ низ босифат аст.

Шон Паркер

Ӯ дар саргаҳи фаъолияти водии Силиконӣ қарор дошт. Шиносоии Зукенберг ва Паркер ба рушди Facebook такони бузург бахшид. Президенти ширкат интихоб гардида, Паркер таваҷҷӯҳи сармоягузоронро ба он ҷалб намуд.

Соли  2013 Forbes, Шон Паркерро  яке аз ҷавонтарин миллиардерони ҷаҳон эълон намуд. Ӯ яке аз асосгузорони машҳуртарин лоиҳаи иҷтимоии Causes ба шумор меравад.

Мэтт Колер

Сардор аз  гурӯҳи нахустини Facebook , ки аз ширкати Linkedln вазифаи менедҷери генералиро тарк карда омада буд.  Ӯ вазифаи ноиби президент оид ба продакт-менедҷментиро ишғол намуд.

Соли 2008-ум, ӯ ба ширкати  Benchmark Capital ҳамроҳ шуд. Аммо то ба имрӯз яке аз мушовирони  “махсуси” Марк Зукенберг ба шумор меравад.

Ин “ҷавонон “, ки замоне дар гурӯҳи асосгузори Facebook  қарор доштанд, тавонистанд ба муваффақият ноил гардида, дар торнамои Ҷаҳонӣ мақоми бузургеро соҳиб шаванд.

Маълумоти бештарро дар бораи тавлиди  Facebook  ва созандагони он метавон аз китоби Бен Мезрич  таҳти унвони  “Миллиардерони иҷборӣ (миллиардеры поневоле): чӣ тавр Facebook ба вуҷуд омадааст, ҳикоя дар бораи пул, олиҳимматӣ ва хиёнат” пайдо намуд. Ҷоизи қайд аст, ки ҳамчунин филми аҷиб аз рӯи асари мазкур бо номи “Шабакаи иҷтимоӣ” офарида шудааст.

Сарчашма:  matrix-tv.tj