Мо дар бораи пайвандкунакҳои “доно” барои телефонҳои мобилӣ зиёд навишта будем. Дар ин замина чизе, ки қайд кардан мехоҳем, ин аст, ки миёни онҳо чунин гаҷетҳое ҳам ҳастанд, ки дар феҳристи худ ҷойи намоёнро мегиранд. Пӯшида нест, ки бо ёрии ин гуна таҷҳизотҳо мо ҳаётамонро боз ҳам содатар мекунем. Яке аз чунин пайвандкунандаҳо, ки мехоҳем дар борааш маълумот диҳем, FlameStower ном дорад.

FlameStower имкон медиҳад, ки бо оташ телефони шумо нерӯ гирад. Он тарҳ ва сохти хело содда дорад. Барои истифодааш лозим аст, ки ин асбобро ба рӯйи оташ (муҳим нест, ки оташи газ аст ё оташи табиӣ)  гузоред. Ба зарфе, ки дар болои ин таҷҳизот насб шудааст, каме об мерезед. FlameStower бо истифодаи қонуни физика ва термодинамика барқро истеҳсол мекунад.

Ин асбобро хурд ва ё бузург кардан мумкин аст, ки он бо осонӣ ба борхалта ҷой мешавад. FlameStower дар ду дақиқа 2,5 ватт қувваро истеҳсол мекунад, ки ин барои кори GPS, MP3-плейер кифоя аст. Танҳо чизе, ки лозим аст: ҳезум барои оташ ва каме об. Ин таҷҳизотро шумо метавонед бо нархи 90 доллар  харидорӣ намоед.

Сарчашма:  matrix-tv.tj