КҲФ аз эҳтимоли лағзиши тарма ҳушдор медиҳад

0
241 просмотров

Тибқи маълумоти Агентии обуҳавошиносии Тоҷикистон, то 18 ноябр дар қисмати ҷанубии қаторкӯҳи Ҳисор эҳтимоли лағзиши тарма вуҷуд дорад. Дар робита ба ин Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба таваҷҷуҳи сокинон ва меҳмонони кишвар мерасонад, ки дар ин рӯзҳо аз сафарҳои безарурат бо роҳҳои кӯҳӣ, корҳои саҳро, чорвочаронӣ, омода кардани ҳезум, шикор ва ғайра худдорӣ намоянд. Дар ин бора ба АМИТ «Ховар» дар Кумитаи ҳолатҳои фавқулода ва мудофиаи гражданӣ хабар доданд.

Дар ин рӯзҳо, ки ҳаво сард аст, риояи қоидаҳои бехатарӣ аз сӯхтор барои онҳое, ки хонаҳои худро бо печҳои барқӣ гарм мекунанд, зарур аст.

Барои таъмини бехатарии ҳаракати ронандагон дар роҳ ва расонидани ёрии таъҷилӣ дар ҳолатҳои фавқулода дар қитъаҳои шоҳроҳи Душанбе-Айнӣ-Хуҷанд аз ҳисоби наҷотдиҳандагони Кумита посгоҳҳои сайёр таъсис дода шудаанд.

Илова бар ин, дигар роҳҳои кӯҳии кишвар аз ҷониби кормандони Кумита ҳамроҳ бо намояндагони Вазорати нақлиёт ва Вазорати корҳои дохилӣ назорат карда мешаванд.

Ин тадбирҳо дар давраи хатари ҳодисаҳои фавқулода дар роҳҳо, ки дар натиҷаи сардии ҳаво ва бориши барф ба вуҷуд омадаанд, заруранд.

Манбаъ: АМИТ «Ховар»

Нет комментариев

Также рекомендуем

10 сабаби хӯрдани меваи анор

Хӯрдани меваи анор миқдори гемоглобинро дар огранизм зиёд мегардонад.  Аз ҳама хусуияти асосии меваи анор мубориза бурдани он бо камхунӣ мебошад. Ҳангоми камхунӣ шарбати меваи ...

Сообщить об опечатке

Текст, который будет отправлен нашим редакторам: