Занон бисёр чизро ихтироъ кардаанд, ки онҳоро мардон бо қаноатмандии бузург истифода мекунанд. Яхдону танпўши тирногузар ва ҳатто оби ҷав низ ихтироъи бонувон аст. Бале, занон ҳанўз дар давраҳои қадим оби ҷавро ихтироъ кардаанд. Аз ин рў, беҳуда нест, ки дар он ҳормони занона вуҷуд дорад. Дар ҳақиқат баъди мутолиаи маводи зер шумо боварии комил ҳосил мекунед, ки занон ин оламро беҳтар месозанд.
Занон на танҳо имкониятҳои мардонро мекушоянд, балки ихтироъҳои зиёдро ба манфиати кулли инсоният ба анҷом мерасонанд. Мардон аз рўзи таваллуд тўли умрашон аз офаридаҳои занон истифода мебаранд: уребчаи суринпечонаки кўдак (подгузник) яхдон, садошинонаки автомобил, оби ҷав ва ғайра. Дар ҷодаи технологияҳои баланд низ як қатор ихтироъҳои оламшум мавҷуданд, ки ба ҷинси латиф тааллуқ дорад. Мо 10-тои онро интихоб кардем.
- Батареяҳои офтобӣ
Доктор Мария Телкес (Maria Telkes) ва ҳамкасби ў Элеанор Реймонд (Eleanor Raymond) аз аввалин ихтироъкорони батареяи офтобӣ ҳастанд. Маҳсули меҳнаташон бо ҷоизаҳо тақдиронида шуда, дар техноолгияи муосири «Хонаҳои доно» ба таври васеъ истифода бурда мешаванд.
- Технологияҳои дар алоқаи беноқил истифодабаранда
Олима, актриса ва зани зебосанам Хэди Ламар фаъолияти кории худро аз нақш офаридан дар кинофилми шаҳвонӣ оғоз карда, бо инноватсия дар ҷодаи радиоалоқа, ки минбаъд асоси таҳияи технологияи нодири Bluetooth и Wi-Fi. А гардид. Мавсуф онро барои торпедаҳои флоти ИМА ихтироъ карда буд.
- Протоколи Ethernet Spanning Tree Protocol (STP)
Муҳандис Радя Перлман (Radia Perlman) тахаллуси ғайрирасмӣ «Модари Интернет» дорад, ки аз он рўй мегардонад. Ин тахаллусро хонума Перлман барои ихтироъи протоколи Spanning Tree Protocol (STP), гирифтааст, ки он барои пайдоиши як қатор шабакаҳо бо технологияи Ethernet сабабгор гардидааст.
- Печи микромавҷӣ
Ҷесси Картрайт бисёр технологияҳои муфидро барои техникаҳои маишӣ ихтироъ кардааст, аммо, мардҳо як ихтироъи ў- печи микромавҷиаш бо номи Radarange-ро писандидаанд.
- Алгоритми ҳисоби «Шумораҳои Бернулли»
Графиняи барномасоз Ада Лавоейс боре ба шарҳи тадқиқоти сардораш ба андозае андрамон шуд, ки бехабар асосҳои принсипи барномасозиро таҳия сохт ва маъруф гардид.
Мавсуф аз рўи назария аввалин барномасоз дар ҷаҳон маҳсуб ёфта, муаллифи бахши «ячейкаи корӣ» ва «Сикл» аст.
- Интерфайси МАС
Сюзан Кейр дизайнери графикист, ки элементҳои маъруфи интерфайсро дар компютерҳои Macintosh сохтааст. Ҳамсафи содиқи ў Стив Ҷобс аст. Маҳз Сюзан ҳаёти худро ба инноватсияи технологии Apple бахшида, онро аз ҷиҳати эстетикӣ ҷозибанок сохт.
- Нахустин компилятор дар таърих барои барномасозӣ
Грейс Хоппер зани нодир- контр-адмирали флоти ИМА ва ҳамзамон олима аст. Консепсияи забони барномасозии мошинӣ-мустақилро инкишоф додааст, ки ба пайдоиши аввалин забони олии COBOL сабабгор гардидааст. Ҳамчунини Грейс хатогии кодро «худоҳо» номид.
- Яхдони хонагӣ
Муҳандиси яхдонсози амрикоӣ Мэри Энгл Пенингтон соли 1907 таҷҳизоти рефрижератории интиқолшавандаро барои таъмин бо озуқаворӣ дар давраи ҷанги якуми ҷаҳон ихтироъ кард. Соли 1914 бошад, боз як ихтироъкор Флоренс Паспарт барои истеҳсоли яхдони хонагӣ соҳиби патент шуд. Ҳанўз, ки занон ихтироъкоранд, мо аз вайроншави таом хотириҷамъ буда метавонем.
- Забони «суроғавӣ»-и барномасозӣ
Екетарина Ющенко кибернетик, аввалин дар СССР доктори илмҳои физикӣ-математикӣ аст, ки ин унвони илмӣ ба ў барои таҳияи барномасозӣ дода шудааст. Албатта вай чун Грейс Хоппер то ба дараҷаи адмирали флот нарасидааст. Лекин барои рушди барномасозии флот саҳми арзанда гузоштааст.
10.Кашфиётҳои телекоммуникатсионӣ
Доткор Ширли Энн Ҷексон нахустин афроамрикоизан аст, ки дараҷаи илмиро дар Донишкадаи технологии Массачусетс гирифтааст. Бо тадқиқотҳои намоёнаш дар ҷодаи телекоммуникатсия ў барои ихътироъкорони телефон бо рақамҳои тоналӣ , факси портативӣ ва бисёр дигар маводҳои технологияи олидараҷа роҳ кушод.
Ба шарофати қобилияти занона нисбати нозук тахмин кардани ноқулайӣ, ҷойҳои суст дар маводҳо ва равандҳо мардон бисёр ихтироъҳо дар самти беҳдошти кору зиндагӣ доранд.
Сарчашма ва аксҳо: matrix-tv.tj
Нет комментариев