Бо мақсади сазовор ҷашн гирифтани Наврӯзи байналмилал ва Соли 2018-«Соли рушди сайёҳӣ ва ҳунарҳои мардумӣ» иҷрокунандаи вазифаи Раиси вилояти Суғд Раҷаббой Аҳмадзода зимни боздиди худ аз шаҳри Хуҷанд роҳбарияти шаҳр ва масъулини соҳаро муваззаф намуда буд, ки кӯчаву хиёбонҳои шаҳр гулпӯш ва орову тоза намуда, баҳри ҷалби бештари меҳмонону сайёҳони дохиливу хориҷиро тадбирҳо андешанд. Раиси шаҳри Хуҷанд Маъруф Муҳаммадзода масъулини КВДК «Сарраёсати ободонӣ, хоҷагию манзилӣ ва коммуналӣ»-и шаҳрро дастур дод, ки баҳри дар амал татбиқ намудани дастуру супоришҳои Роҳбарияти вилоят тибқи нақшаи мукаммал тадбирҳо андешанд ва он зери назорати доимӣ қарор дода мешавад. Аз тарафи КВДК «Сарраёсати ободонӣ, хоҷагию манзилӣ ва коммуналӣ»-и шаҳр дар хиёбони ба номи Раҳим Ҷалил беш аз 4000 адад гули садбарг кӯчат карда шуд. Ҳамзамон наздик 200 бех ниҳоли ардач дар иншооти мавзеъи «20 солагии Истиқлолият» ва хиёбони «Истиқлолият» шинонида шуданд. Чунин корҳои ободонию сабзкорӣ ҳамарӯза тибқи нақшаи асосии хуррамгардонӣ, бунёдкорӣ ва навсозии кӯчаву хиёбонҳои шаҳри Хуҷанд идома дорад.
Манбаъ: сомона расмии МИҲД-и шаҳри Хуҷанд
Нет комментариев