Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон дар як қатор сохторҳои давлатӣ тағйироти кадрӣ ба амал оварданд.
Ҳамин тавр, бо Амрҳои Президенти Ҷумҳурии Тоҷикистон Савзаали Назирзода — сардори раёсати хоҷагии Дастгоҳи иҷроияи Президенти Ҷумҳурии Тоҷикистон таъин карда шуд. Исмоилзода Ёқуб Борон — бо сабаби ба кори дигар гузаштанаш аз вазифаи Сардори Раёсати кор бо мақомоти идоракунии маҳали Дастгоҳи иҷроияи Президенти Ҷумҳурии Тоҷикистон, Ҳокимзода Исматулло Ҳоким — бо сабаби ба нафақа баромаданаш аз вазифаи Сардори Раёсати рушди инфрасохтори Дастгоҳи иҷроияи Президенти Ҷумҳурии Тоҷикистон озод карда шуданд. Ҳамзамон Исмоилзода Ёқуб Борон — муовини Раиси Кумитаи рушди маҳали назди Президенти Ҷумҳурии Тоҷикистон таъин карда шуда, Маҳмадализода Алимурод — бо сабаби ба нафақа баромаданаш аз вазифаи сардори идораи хоҷагии Дастгоҳи иҷроияи Президенти Ҷумҳурии Тоҷикистон озод карда шуд.
Бо Қарорҳои Ҳукумати Ҷумҳурии Тоҷикистон Олимзода Миралӣ Назрӣ — бо сабаби ба кори дигар гузаштанаш аз вазифаи муовини якуми Директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон, Давлатзода Қудрат Қамбар — бо сабаби ба кори дигар гузаштанаш аз вазифаи Ректори Донишкадаи молия ва иқтисоди Тоҷикистон, Шерализода Муҳамадулло Умар — бо сабаби ба кори дигар гузаштанаш аз вазифаи Директори иҷроияи Гурӯҳи татбиқи Лоиҳаи таҷдид ва идомаи сохтмони мактабҳои миёна ва Абдуллозода Шамсулло Файзулло — бо сабаби ба кори дигар гузаштанаш аз вазифаи намояндаи ваколатдор дар Бюрои ҳамоҳангсозии мубориза алайҳи ҷинояткории муташаккилона ва дигар намудҳои ҷиноятҳои хатарнок дар қаламрави давлатҳои иштирокчии Иттиҳоди Давлатҳои Мустақил озод карда шуданд. Давлатзода Қудрат Қамбар — Директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон, Пирназарзода Диловар Маҳмадназар — муовини якуми Директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон, Хайрзода Шукрулло Қурбоналӣ — Ректори Донишкадаи молия ва иқтисоди Тоҷикистон ва Мирализода Рустам Азиз — намояндаи ваколатдор дар Бюрои ҳамоҳангсозии мубориза алайҳи ҷинояткории муташаккилона ва дигар намудҳои ҷиноятҳои хатарнок дар қаламрави давлатҳои иштирокчии Иттиҳоди Давлатҳои Мустақил таъин карда шуданд.
Инчунин бо Фармонҳои Президенти Ҷумҳурии Тоҷикистон Абдуллозода Орзу Зинатулло — аз вазифаи муовини раиси суди ноҳияи Ёвони вилояти Хатлон, Қурбонзода Иброҳим Мирхон — аз вазифаи судяи суди ноҳияи Ёвони вилояти Хатлон ва Савзаали Назирзода — бо сабаби ба кори дигар гузаштанаш аз вазифаи раиси ноҳияи Варзоб озод карда шуданд. Шерализода Муҳамадулло Умар — иҷрокунандаи вазифаи раиси ноҳияи Варзоб таъин карда шуд.
Манбаъ : сомонаи расмии АМИТ «Ховар»
Нет комментариев