5 иштибоҳи бузург дар Facebook

Зиндагии муосирро бидуни Facebook тасаввур кардан имкон надорад. Дар ин ин шабака имрӯз тамоми дӯстон ҳузур доранд ва аксари нафарон ин шабакаи иҷтимоиро ҳамчун кори асосӣ истифода мебаранд.

Бо ин шабакаи иҷтимоӣ қариб, ки ҳамаи чорабиниҳои ҳаёти мо пайваст аст. Ба воситаи аккаунти Facebook мо ба дигар сомонаҳо ворид мешавем ва маълумотҳои заруриро пайдо мекунем. Гуфтан мумкин аст, ки Facebook ба таври худ як рӯзномаи мо шудааст, ки кор ва фикрҳоямонро дар он нашр мекунем.

Ҳарчанд баъзе аз истифодабарандагони ин шабакаи бузурги иҷтимоӣ тасмими тарки ин шабакаро карда бошанд ҳам, вале ба ин муваффақ нагаштанд. Яқин аст, ки Facebook-ро сода тарк кардан имкон надорад.

Аммо чизи дигар, ки боиси нигарониии истифодабарандагони ин шабака шудааст, он аст, ки нафарони бегона метавонанд дар бораатон маълумот ҷамъ оварда, бар зидди Шумо истифода баранд.

Агар Шумо то ин замон дар бораи бехатарӣ дар ин шабака фикр накарда бошед, пас яқин ин мавод барои Шумост. Зеро ба эҳтимоли зиёд, дар сурати истифода накардани чанд маслиҳатҳои содда дар ин шабака, метавонед, ки аз ҷойи кор, дӯстон, шахсони наздик ва ҳатто аз обрӯю нуфуз низ маҳрум гардед.

Коршиносони “Озмоишгоҳи Касперский” рӯйхати 5 иштибоҳро дар Facebook тартиб доданд, ки қариб ҳар як истифодабаранда онро анҷом додааст. Муаллифон инчунин, чанд дастурамалро ҳам пешниҳод кардаанд, ки дар оянда ба Шумо барои эмин будан аз иштибоҳ кӯмак хоҳад кард.

Игтишори тарҷумаи ҳол

Facebook фаъолона дар бораи пур кардани қисмати тарҷумаи ҳол, ҷой ва таърихи таваллуд ва дигар водор месозад. Вале маълум аст, ки бонкҳо ва ташкилотҳое ҳастанд, ки метавонанд ин маълумотҳоро барои дастарасӣ ба суратҳисоби шумо доштан, истифода намоянд (масалан таърихи рӯзи таваллуд, насаб, номи ҳайвон)

Бадхоҳони шумо хело Facebook-ро дӯст медоранд, зеро ба воситааш тамоми маълумот дар бораатонро ҷамъ оварда, баъдан тавассути он ба дигар саҳифаҳои Шумо ворид шуда метавонанд.

Маслиҳат: Сол ва ё ҳадди ақал рӯзи таваллудатонро қайд накунед. Аз овардани номи хешовандон, назидкон, инчунин дигар маълумот, ки аксари вақт дар дигар шабакаҳои иҷтимоӣ низ истифода мебаред, даст бикашед.

Интишори маълумоте, ки “Барои ҳама” аст

Маводеро, ки дар қисми “Барои ҳама” (Для всех) мегузоред, на танҳо наздикон, балки роҳбар, ҳамкор, ширкатҳои гуногуни таблиғӣ ва қаллобон низ мехонанд. Муаллифон дар он назаранд, ки иштишори чунин маълумот дар Facebook ба мисли нақли зиндагиатон дар кӯча ва ё бозор баробар аст.

Нафаре метавонад, ки бемалол навиштаҳои шуморо гирифта, матнашро тағйир бидиҳад ва онро нусхабардорӣ карда, барои паст задани шаънатон истифода намояд. Ҳодисаҳое ҳастанд, ки ба ин восита кормандон ихтиёрӣ аз кор озод шудаанд.

Маслиҳат: Навиштаатонро дар режими “Барои дӯстон” ва ё “Барои дӯстони дӯстон” гузоред. Инчунин, ба аксе, ки дар Facebook мегузоред, мутаваҷҷеҳ бошед. Вале агар хоҳед, ки навиштаатонро миллиард истифодабарандаи Facebook хонда тавонад, пас онро дар режими “Барои ҳама” (Для всех) гузоред.

Калидвожаи (парол) зудшикан

Имрӯз қариб аксари истифодабарандагон барои кушодани саҳифаи дигари иҷтимоӣ, ба мисли ВКонтакте, Scype, Gmail аз маълумотҳои Facebook истифода мебаранд. Агар рамзи махфии Facebook шикаста шавад, пас ҳамаи саҳифаҳои дигар низ фикр кунед маълумоташ дар дасти дигарҳост.

Маслиҳат: Аз калидвожаи боэътимод истифода намоед. Беҳтараш ҳам аз ҳарф ва ҳам аз рақамҳо истифода кунед. Он калидвожае, ки дар Facebook истифода намудед, дар дигар шабакаҳои иҷтимоӣ кор набаред.

Маълумот дар бораи маҳал

Бегонагон метавонанд, ки аз пуштиШумо бипоянд, нишони суроғаи ҷойи кор ва ҳатто хонаатонро пайдо кунанд. Ин барои наврасон ва ҷавонон хело хатарнок аст. Ҳатто он маҳалле, ки Шумо дар Facebook қайд мекунед, ба ғоратгарон имкон медиҳад, то маълумот дошта бошанд, ки берун аз хонаед ва дар ҷойи дур қарор доред.

Маслиҳат: Дар аксҳоятон маконро қайд накунед.

Дӯстӣ бо шахсони бегона

Аксари вақт нафарони бегона ба Шумо дархост барои дӯстӣ равон мекунанд. Агар шумо дӯстони умумӣ дошта бошед, метавонед, ки дархости ононро қабул кунед. Аммо ҳолатҳое мешавад, ки баъзе одамон бидуни ягон фикр ҳамаро ба дӯстӣ қабул мекунанд. Ашхоси бегона бо пайдо намудани дӯстӣ бо шумо аз тамоми маълумотатон истифода мекунад. Ҳатто аз номи Шумо ба дигарон дархост фиристода, дигар нафаронро ҳам ба дӯстӣ қабул мекунад.