Истифодарабарандаи смартфониGalaxy S5 як қадам ба қафо гашта қарор дод, санҷад, ки оё вай бе смартфон зиндагӣ карда метавонад?

Ҳанўз овони кўдакӣ вай ба илм ва электроника шавқу рағбат дошт. Баробари ба воя расидан ба технология мароқаш бештар шуд ва ў гаҷетҳои зиёд дошт. Рўзе аз рўзҳо, тақрибан 6 сол муқаддам вай соҳиби смартфони аввалини худ шуд ва фаҳмид, ки дигар ҳеҷ гоҳ аз телефонҳои муқаррарӣ истифода намекунад.

Рўзи панҷуми истифодаи телефони муқаррарӣ шореҳи захираи PhoneArena Ники Ти таассуроти худро тавассути ҷой додан дар видеоролики YouTube ба дигарон нақл кард. Тўли ин солҳо вай даҳҳо неву садҳо смартфонҳоро истифода кард ва дар бораашон навишт. Таи чанд моҳи охир ў смартфони тамғаи Samsung Galaxy S5-ро истифода мекард, ки талаботи ўро пурра қонеъ месохт. Вай чунин меҳисобад, ки смартфон бо таҷҳизотҳои бисёрфунксионалиаш ивазнашаванда аст. Бо ёрии смартфон  вай бо дўстону аҳли оилааш гуфтугў мекунад. Телефони доно ба ў имкон медиҳад суратгирӣ кунад, видеофилм тамошо ва мусиқӣ гўш кунад. Ник Ти гоҳо бо смартфони худ занг мезанад, ҳарчанд алоқи овозӣ кайҳост, ки функсияи асосии ин намуди девайсҳо нашуда мондааст. Смартфон ба ҷои занги соат ўро аз хоб бедор мекунад. Бо ёрии он истфодабаранда қайд мекунад ва чизҳои ёдоваришавандаро муқаррар мекунад. Смартфонро истифодабаранда ҳамчунин барои навгониҳо ва дастрасӣ ба захиракунандаи шахсии «абрӣ» истифода мебарад, ки дар ҳолати мавҷуд будани смартфон ва дастрасӣ ба шабакаи интернет дар вақти дилхоҳ ва ҳама гуна ҷойҳо маълумотро гирифта метавонад. Ниҳоятан Ник Ти аз смартфони худ алоқамандии калонро гирифт ва ҳаёти худро бе смартфон тасаввур карда наметавонад.Бо вуҷуди ин вай қарор дод, ки ду ҳафта бе смартфон мегардад. Ба ҷои Galaxy S5 вай телефони оддӣ- бе дастгирии замима, бе бозӣ ва бе ягон дастрасӣ ба Интернетро истифода мебарад. Ин ҳама баъди истифодаи смартфонест, ки беҳтаринашро дарёфт кардан дар шароити имрўз амри муҳол аст. Ин таҷҳизот аз рўи аксар нишондиҳандаҳояш ҳатто таҷҳизотҳои нави ширкати Samsung-ро ҳам афзалӣ мекунад.

Ҳадафи ин таҷриба фаҳмидани ҳиссиёти инсонест, ки ба смартфон одат кардаасту худро маҷбур месозад муваққатан бе он кору зиндагӣ кунад. Инсон аз телефони муқаррарӣ истифода бурда, дарк мекунад вай то чӣ андоза аз смартфон вобастагии калон доштааст.

Ник Ти аз телефоне истифода мебарад, ки вай занг зада метавонад, хабар ирсол мекунад ва рўшноӣ ҳам дода метавонад.

Дар баробари ин вай худро пурра аз технология дур накардааст. Дар коргоҳи худ вай ҳарчанд бисёр намешавад аз телефонҳои доно барои кор истифода мебарад, ки барои тестикунонии замимаҳои нав ва истеҳсоли бенчмаркҳо истифода мешавад.

Рўзҳои аввали бе смартфонӣ ў худро аз чизи ғайриоддӣ муҳим ҷудо шуда ҳис мекард ва ин ҳолат ўро асабӣ месохт. Вай ба тамошои ролик дар YouTube ва суратҳои хандаовар хеле сахт одат карда буд. Телефони ҳозираашро бошад, вай доимо ҳамроҳи худ гирифта мегардад ва аз рўи одат зуд-зуд хабарномаҳо ва огоҳномаҳоро месанҷад. Бо вуҷуди донистани он ки Интернет вуҷуд надорад. Вақте мехоҳад маълумотро дар бораи обу ҳаво фаҳмад вай нахуст телефони худро ба даст мегирад ва танҳо баъд ақлаш ба ў мегўяд, ки бо ин телефон хоҳиши вай иҷронашаванда аст. Ин гуна ҳолат дар чанд рўзи аввал буд.

Ник Ти ба қайду ёдраскуниҳои смартфонаш одат кардааст. Ин чиз ба вазифаву корҳои нав ва филмҳо, ки дар бораашон шунидаасту ният дошт тамошо кунад ва андешаҳои ба сараш омада низ дахл дошт. Ин ҳама дар Google Keep қайд мешуд. Агар дар даст смартфон надошта бошӣ, маҷбур мешавӣ дар коғаз навишӣ ё дар хотир нигоҳ дорӣ. Дар натиҷа ў баъзе корҳои заруриро аз хотир баровард ва танҳо баъди ду рўз ба хотираш расид. Оё ин маънои онро дорад, ки смартфон инсонро ба фаромўшхотирӣ меорад. Ник Ти ба ин бовар надорад. Аниқтараш, гап ба сари он аст, ки инсон аз смартфон истифода карда, бештар роҳи осони зиндагиро меҷўяд.

QWERTY –клавиатураи экранӣ низ чизи дигарест, ки Ник Ти баъди ба як сў гузоштани телефони донояш қадри онро донист. Вай аллакай фаромўш кардааст, ки чӣ тавр ба душворӣ матни оддиро бо ёрии клавиатураи рақамӣ ҳуруфчинӣ кардан мумкин аст. Ник Ти маҷбур шуд аз нав ба истифодаи СМС оғоз кунад. Зеро, ў дастрасӣ ба месенҷерҳоро надорад. Аниқтараш ҳасту аммо дар даст не дар компютер дорад.

Ник аз он чиз дар ташвиш аст, ки аз веб, месенҷерҳо, видеороликҳо ва шабкаҳои иҷтимоӣ маҳрум мебошад. Ҳиссиёте аз ботин ўро маҷбур месозад ба онлайн-ҷаҳон ворид шавад. Аммо, ў ба хубӣ медонад, ки дар даст интернет надорад. Се рўзи таҷриба сипарӣ шуд ва Ник ба нанавиштани телефон, набудани вибратсия дар ҳар чанд дақиқа одат кард. Акнун ў намекўшад шабакаҳои иҷтимоӣ ва мавҷудияти контенти навро доимо санҷад. Рўзи 5-уми бе смартфонӣ низ ўро дилгир намекунад. Вай боварӣ дорад, ду ҳафтаи таҷриба ҳамин хел сипарӣ мешавад. Аммо набудани смартфонро ҳамеша эҳсос мекунад. Ник чунин меҳисобад, ки рўзҳои боқимондаи бе смарфтонӣ ў таассуроти нав пайдо мекунад.  Наход чанд рўзи бе смартфонӣ чунон мушкил бошад, ки Ник дар ин бора навиштааст? Ё ин ки ин гуна эҳсосот танҳо дар нафароне пайдо мешавад, ки ба бозиҳову интернет сахт одат кардаанд?!

Сарчашма: matrix-tv.tj