Дастаи мунтахаби Тоҷикистон оид ба футбол дар доираи омодагӣ ба марҳилаи интихобии Ҷоми Осиё-2027 дар бозии дӯстона пайиҳам пирӯзии дуюмашро ба даст овард. Дастаи мунтахаби Тоҷикистон дар майдони худ бар дастаи яккачини Афғонистон бо ҳисоби 3:1 ғолиб гардид. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Бозӣ 19 ноябр дар Варзишгоҳи марказии Душанбе баргузор шуд.
Ин охирин бозии дастаи мунтахаби Тоҷикистон дар соли 2024 мебошад.
Дастаи Тоҷикистон бозии навбатиро 25 марти соли оянда дар доираи марҳилаи интихобии Ҷоми Осиё-2027 баргузор мекунад. Рақибони дастаи мунтахаби Тоҷикистон дар марҳилаи интихобӣ 9 декабр дар маросими қуръакашӣ муайян мешаванд.
Манбаъ: АМИТ Ховар
Нет комментариев