Ба фасли сармо мардуми мо одатан се моҳи тобистон ва аввалҳои тирамоҳ тайёри мебинад. Баъзе ашхос ба таъмиру тармими хонаи худ машғул мешавад. Вале то куҷо мо медонем, ки сементи харидаамон нури радиациони дорад ё не? Мо тасмим гирифтем, ки оид ба тарзи дурусти интихоби семент маълумот дода бошем.
Семент яке аз мухимтарин масолехи бинокорӣ ба хисоб меравад. Семент умуман аз дигар минералҳо фарқ мешавад. Ҳаст намуди сементе, ки дар хаво сахт мешавад ё шах мешаванд. Дар баъзе маврид мустаҳкамии зоҳирии худро аз даст намедиҳад.
Семент якчанд намуд мешавад:
- Сементи дажғолдор
- Сементи тезсахтшаванда
- Сементи гилхокӣ
- Сементи гидрофоб
- Сементи Портланд ва ғайра.
Агар хохед, ки хонаи шумо барохат бошаду аз деворхои он радиатсия ихроҷ накунад, аз фурӯшанда хулосаи санитарӣ-эпидемиологии махсулотро пурсон шавед. Фаъолнокии радионуклидхои табии, радий, торий ва калий аз 370 беккерель зиёд набояд бошад. Сурогаи истехсолкунанда дар хулосаи санитари-эпидемиологи бо коғазпораи халтаи семент бояд мувофиқат кунад. Мувофиқи стандартҳо вазни халтаи семент бояд 50 килограмро ташкил дихад. Ин аз он шаҳодат медиҳад, ки семент дар коргоҳи калон бо истифодаи технологияи муосир тайёр шудааст. Агар сементро дасти ба халта ҷой дода бошанд, пас вазни он 40-47 килограмро ташкил медихад. Дар бисёр ҳолат барои вазнин шудани халта ба дохили он хок ва сангреза илова мекунанд. Дар магоза чунин сементеро, ки ба он хок ва сангреза илова кардаанд, фарқ карда наметавонем, беҳтараш як халтаро гирифта онро тайёр карда, санҷед. Агар баъди ду шабонарӯз семент мустаҳкам шавад, пас ин сементи аълосифат мебошад. Мӯҳлати нигоҳдошти семент ҳамаги 60 шабонарӯзро ташкил медихад. Пеш аз харид кардани семент ба вақти муайяншудааш назар кунед, то ки сементи харидаатон кӯҳна набошад.
Нет комментариев