Имруз Раиси вилоят Абдураҳмон Қодирӣ пас аз мулоқот бо фаъолони Истаравшану Ғончӣ ба ноҳияи Спитамен, ҳамчунин  ташриф овард. Нахуст Раиси вилоят дар оғози мумфаршкунии роҳи аҳмияти маҳаллидоштаи байни деҳаи Куруш-Нови ноҳия иштирок намуд.

Зимни мулоқот Абдураҳмон Қодирӣ ба сокинон иттилоъ дод, ки соли сипаригардида, дар вилояти Суғд беш аз 2800 км роҳҳо таъмиру навсозӣ шуданд. Дар назара аст, ки  дар идомаи татбиқи барномаи соли роҳҳои обод, соли ҷорӣ  зиёда аз 3100 км роҳҳои вилоят таъмиру таҷдид карад шаванд. Ҳамчунин Раиси вилоят таъкид намуд, ки 92,5 км роҳҳои ноҳияи Спитамен аз таъмир бароварда хоҳад шуд.

Лозим ба ёдоварист,ки  роҳи миёни деҳаи Куруш ва Нов 11 км буда, он бо маблағгузории мақомоти иҷроияи ҳокимияти давлатии вилоят навсозӣ мешавад.

Абдураҳмон Қодирӣ аз  сокинон даъват ба амал овард, ки дар корҳои бунёдкорӣ бетараф набошанд.

Ҳамзамон Абдураҳмон Қодирӣ дастур дод, ки барои эҳёи ҳунарҳои миллӣ дар ноҳияи Спитамен  чораҳои зарурӣ андешида  шуда, барои бо касбу ҳунарҳои миллӣ, ба монанди адрасбофиву атласбофӣ, гилембофӣ фаро гирифта шудани занон мусоидат карда шавад.