Дар Тоҷикистон дар ҳафт моҳи соли ҷорӣ ҳудуди 13,2 ҳазор тонна нафт тавлид шуд, ки ин дар муқоиса бо даври мушобеҳи соли гузашта 4,2 дарсад кам мебоштад, гузориш додааст хабаргузории ТоҷикТА.
Манбаъ аз қавли Вазорати энержӣ ва захоири обии кишвар хабар додааст, ки Тоҷикистон дар ин муддат беш аз 247,8 ҳазор тонна бензин ва 6,7 ҳазор тонна маводи сӯхти дизелӣ тавлид кард.
“Дар зимн, дар ҳафт моҳи соли ҷорӣ ба ҶТ беш аз 273 ҳазор тонна маводи нафтӣ ба арзиши ҳудуди 113 миллион доллар ворид гардид”, — омадааст дар иттилоия.
Нархи миёнаи ҳар як тонна маводи нафтии воридотӣ 414,2 доллар арзёбӣ шуд. Воридоти маводи нафтӣ дар муқоиса бо даври мушобеҳи соли гузашта 12,9 ҳазор тонна афзоиш ёфтааст.
Русия таъминкунандаи аслии Тоҷикистон бо маводи нафтӣ мебошад. Ҳамчунин, Туркманистон, Қазоқистон ва дигар кишварҳо низ ба ҶТ маводи нафтӣ ворид мекунанд.
Манбаъ: sputnik-tj.com
Нет комментариев