Дар шаҳри Хуҷанд рӯзҳои 15-16 октябри соли ҷорӣ семинар-тренинг дар мавзӯи “Ахлоқи журналистӣ” баргузор гардид. Ин семинар барномаи Созмони Амнияту Ҳамкорӣ дар Аврупо мебошад, ки оид ба масоили озодии ВАО барои рӯзноманигорон нигаронида шудааст. Дар семинар аксарияти журналистони вилоят ширкат варзиданд.
Тренингро Лутфия Одинаева роҳбари таҳлилгари калони ВАО дар идораи барномаи САҲА дар Душанбе ҳусни оғоз бахшиданд ва баъдан Нуриддин Қаршибоев раиси Анҷумани миллии васоити ахбори оммаи мустақили Тоҷикистон дар бораи Худтанзимкунии воситаҳои ахбори омма барои иштирокдорон маълумот доданд. Сабаби асосии гузарондани семинар-тренинг аз он иборат буд, ки боз ҳам барои журналистон равшан намудани барномаи худтанзимкуни дар васоити ахбори омма мебошад. Асосҳои худтанзимкунӣ ин рисолати ВАО, масъулияти иҷтимоии расонаҳо ва риояи қоидаю колибҳои аз ҷониби худи ҷомеаи журналистон қабулгардида мебошад. Ҳадафи худтанзимкуни ин ҳимояи озодии сухан, баланд бардоштани сифати рузноманигорӣ, эҳсоси масъулият дар байни ҷомеа ва таҳкими эътимод ба матбуот мебошад.
Инчунин дар семинар Ятимов Ранжет, Суҳроб Пулодов ва Зеваршо Муҳаммадов ширкат варзиданд ва дар давоми ду рӯз барои рӯзноманигорон он масъалаҳое, ки норавшан буданд, презинтатсия гузаронданд. Журналистон тавонистанд бисёр маълумотҳои навро аз худ намоянд ва минбаъд дар фаъолияташон истифода баранд. 17-меъёрҳои ахлоқии фаъолияти журналистие, ки дар Тоҷикистон амал мекунанд барои рӯзноманигорон хеле аҳамияти калон доранд. Семинар ба таври саволу ҷавоб хотима ёфт ва иштирокдорон тавонистанд барои саволҳои худ посух пайдо намоянд. Дар охир барои иштироккунандагон шаходатномаҳо супорида шуд.
Нет комментариев