Чанд маслиҳат оиди дуруст ранг кардани мӯй дар хона ва тайёрӣ ба ин амалиёт: қабл аз рангкунӣ беҳтараш чанд рӯз мӯятонро нашӯед, чунки қабати начандон зиёди чарб пӯсти сарро аз осебёбӣ ҳифз менамояд. Агар ба мӯятон ягон намуди малҳам, лак, мусс, мағзоба молида бошед, мӯятонро нағзакак шона кунед ё ранг кардани мӯятонро ба рӯзи дигар гузаронед. Агар баъди рангкунии беброр бори дигар мӯятонро ранг карданӣ шавед, бояд аз кӯмаки мутахассис истифода баред. Агар куллан ранги мӯятонро тағйир додан хоҳед, ҳатман ба кошонаи ҳусн равед.
Кошонаи ҳусни хусусӣ
Қабл аз молидани ранг, ба пӯсти рӯйи зери мӯй малҳами дилхоҳи равғанин ё равған молед, он гоҳ пӯстатон ранг намегираду осеб ҳам намеёбад. Аз асбобҳои қисман ё пурра металлӣ истифода набаред, чунки таъсири мутақобили металл ва ранг ба мӯйҳо зарар мерасонад. Тамоми зарфҳо бояд ё керамикӣ бошанд ё пластмассӣ. Ин омили муҳим аст, ҳарчанд аксарият ба он аҳамият намедиҳанд. Агар барои ба кошонаи ҳусн рафтан вақт надошта бошед, ақаллан қоидаҳои дуруст рангкуниро истифода баред, то ки аз оқибатҳои нохуш эмин бимонед. Умед набандед, ки рангро пешакӣ омехта карда нигоҳ доштан натиҷаи хуб медиҳад –баръакс ҷараёни кимиёвии ранг дарҳол баъди омехтасозӣ оғоз меёбад ва ранги мӯй андаке тира мегардад. Рангро бояд зуд ва дақиқ молид, он гоҳ мӯй рангро якхелаву ҷиллодор мегирад. Рангро аз 15 дақиқа зиёд дар мӯй нигоҳ надоред.
Боз як ҷузъиёте, ки қабл аз ранг кардани мӯй бояд ба назар гирифт, ин тарзи дуруст молидани ранг аст. Яъне, маҳз кадом рангро интихоб намудан.
Агар танҳо ба хотири санҷидани ин ё он намуди ранг онро истифода бурданӣ шавед, аз шампуни рангкунанда тонировочный истифода баред, агар не, рангҳои дарозмуддатро интихоб кунед. Ду рӯз қабл аз молидани ранг камеашро ба оринҷи худ молида, агар сӯзиш ё сурхшавии пӯстро пай баред, маҳсулоти ин ширкатро истифода набаред. Беҳтараш ранги дигареро интихоб кунед. Агар тамоми маслиҳатҳои моро риоя намоед, пас барои молидани ранг омода ҳастед. Маликаи ҳусн мешавем
Аввалан бодиққат дастурамали рангро мутолиа намоед, дар он бандҳое ҳаст, ки донистанатон муҳим аст. Қабл аз кушодани қуттии ранг ҳатман дастпушаки муҳофизатӣ пӯшед.
Тамоми моддаҳоро омезед. Рангро ба мӯятон молед. Беҳтараш аз пушти сар ба тарафи рӯй, аз реша ба нӯги мӯйҳо ранг молед. Рангро дар мӯй мувофиқи вақти дар дастурамал қайдшуда нигоҳ доред, ба ҳеҷ ваҷҳ аз он зиёдтар не.
Нет комментариев