Имрӯз мо ба Шумо оиди интихоби дурусти махсулоти донагӣ маслиҳат медиҳем. Махсулоти донагӣ, ки мо доир ба фоидабашхии он маълумот медиҳем, ин мош аст
Мувофиқ ба сарчашмаҳои таърихӣ аввал растании мошро дар Бангладеш, Ҳиндустон ва Покистон кишт мекарданд. Ин маҳсулоти донагӣ бо номи «лубиёи тиллоӣ» машхур буд. Баъдан ин намуди донагӣ дар тамоми ҷаҳон паҳн шуд ва имрӯзҳо аз мош хӯроки гарм, хӯроки хунук, чанд намуди хӯришҳо, орд ва ҳатто яхмос омода мекунанд. Яъне дар таркиби якхмос орди мош низ ҳамроҳ менамоянд.
Мош дар Чин фаровон истифода мешавад ва дар ҳар ошхонаи мардуми чинӣ мошро во хӯрдан мумкин аст.
Мардуми Гонконг пӯсти мошро гирифта аз он яахмос, ё яхи болаззат омода менамоянд.
Дар як қисми Ҳиндустони ҷанубӣ аз мош кулчаҳои болаззат омода менамоянд. Ин намуди таъом барои мардуми маҳаллӣ хуроки маъмулист.
Барои он ки мош кисшт карда шавад, аввал онро дар торикӣ нигоҳ медоранд ва як ҳафта онро дар равшанӣ мемонанду баъдан кишт менамоянд.
Бояд кайд кард, ки мош аз витаминҳо бой буда, элеметҳои зиёдеро дар таркиби худ дорад. Масалан 24-28% таркиби мошро сафеда ташкил менамояд. Мош дар таркибаш 46-50% крхахмал, 2-4% равғн, ва витаминҳо дорад.
Воқеан, ин намуди маҳсулоти донагӣ байни мардуме, ки маҳсулотҳои фоидаовар истеъмол менамоянд, хеле машҳур аст.
Гарчанд имсол дар бозорҳо нархи мош хеле баланд шуд, аммо харидор дошт. Бояд қайд кунем, ки ин намуди маҳсулоти донагӣ қариб дар тамоми манотиқи кишвар кишт карда мешавад. Асосан дар ҷойфҳое мош мекоранд, ки ҳавояш гарм асту барои рушду нумӯъ кардани ин растанӣ мусоидат менамояд. Дар Тоҷикистон низ аз мош хӯрокҳои зиёд омода мекунанд. Масалан, мардуми мо шавлаи аз мош омода шударо хеле дӯст медоранд. Агар онро ошпази моҳир пухта бошад. Ҳамчунин, аз мош шӯрбои мошин ва чанд намуди хӯришҳо омода меукнанд.
Дар маҷмӯъ, мош маҳсулоти донагии фоидабахш буда, имунитети тани одамро баркарор месозаду инсонро бардам менамояд. Аммо пизишкон ба нафарони ҳар гуна бемории аллергия дошата истифодаи мошро тавсия намедиҳанд. Зеро он барои афзоиш ёфтани бемории аллергия мусоидат менамояд.
Ин буд якчанд маслиҳатҳои муфиди мо ҷиҳати интихоби махсулотхои донаги.
Нет комментариев