Зани фаронсавӣ Карин Гомбо атрофи Нью – Йорк сайркунон ҳунарманди амрикоӣ Ричард Гирро ба ҷои марди бехонумон қабул карда, ӯро нашинохта ба вай як пора питса (як навъи хӯроки итолиёвӣ) – ро пешкаш намуд.
Чӣ тавре, ки худи зан нақл кард, ҳинне ки вай бо шавҳару писари 15 –солааш сайругашт дошт дид, ки касе қуттии партовро мекобад ва ба назар шахси бечораву бекас менамуд. Аз мушоҳидаи ин манзара мутаассир гашта, ӯ ба назди ин мард омаду питсаеро, ки баъди ташрифи тарабхона монда буд, ба вай пешниҳод намуд.
«Ӯ пурсид: «Дар қоғазхалта чӣ ҳаст?» Ман ҳаракат кардам бо забони англисӣ ҷавоб диҳам, аммо ҳамин тавр шуд, ки нисфи ибораҳоро ман бо забони фаронсавӣ бигуфтам. Ман гуфтам: «Бубахшед, лекин питса хунук аст». Вай ҷавоб дод: «Ташаккури зиёд, Худо нигаҳбони шумо бод»», — нақл кард Гомбо.
Карин намедонист, ки бо кӣ дар кӯчаи Ню – Йорк вохӯрд, то даме ки баъд аз ду рӯз корманди меҳмонхонае, ки оилаи онҳо дар онҷо таваққуф карда буд, ба ӯ аксашро дар рӯзнома нишон дод, дар онҷо вай бо Ричард Гир акс ёфта буд.
Дар натиҷа маълум шуд, ки зани фаронсавӣ тасодуфан ба майдони банаворгирии филми «Аз қадимулайём», ки он ҷо Гир нақши асосиро мебозад, фаромад. Аммо дар хотираи Ричард Гир ва дигар аъзоёни гурӯҳи банаворгирӣ ин лаҳза чун намунаи оддии некии инсонӣ боқӣ мемонад.
Манбаъ: http://www.adme.ru/tvorchestvo-kino/
Нет комментариев