Садои дилнишин, нигоҳи гарм ва муносибати хуби инсониро ба худ доро асту ҳар як суханаш бо меҳру муҳаббат баён мекунад. Маҳз ана ҳамин хислати хубаш ӯро як шахси номвар карду ба дигарон ошно намуд. Ва ӯро ҳама мешиносанду эҳтиром мекунанд ба хотири он, ки дар ҳар як таронае, ки зам-зама мекунад ҳамаро ба ҳам меоварад алалхусус ошиқони шайдоро, ки дар кӯчабоғи ишқ қадам мегузоранду баъзан ранҷ мебаранд, аммо таронаҳои ошиқонаи Олимҷон Маҳмудов тавонист, ки онҳоро дар кӯи яъсу ноумеди бадар созад ва дигар онҳоро ба ҳам оварад. Ҳадаф аз ин гуфтани дар чист мо ҳам як сӯҳбати сари мизи доштему чанд саволҳоло аз эшон пурсон гаштем ва ӯ ҳам ба саволҳои мо ҷавоб дод, ки ин лаҳза пешкаши Шумо хонандаи азиз мегардад.
Даричаи ошноӣ!
Олимҷон Маҳмудов зодаи шаҳри Хуҷанд буда, 31 майӣ соли 1979 ба дунё омадааст. Ӯ аз овони кӯдакиаш дар қалби кӯчакаш меҳри санъатро мепарвариду орзу мекард, ки рӯзе санъаткор мешаваду бо садои маҳбубаш ба дили ҳазорон нафар роҳ меёбаду барои халқу ватанаш хидмат мекунад. Ва ҳамон орзуҳои кӯдакиро бо баробари бузург шуданаш амали тадбиқ намуда сар аввал дар мактаби мусиқии бачагонаи шаҳр таълим гирифта пасон дар коллеҷи санъати ба номи Содирхон Ҳофиз таҳсил карда ва пасони дигар дар факултаи санъати ДДХ ба номи академик Б. Ғафуров таҳсили худро идома дода онҷоро хатм кардааст. Ва имрӯз дар ансабли созию овозии «Садои Суғд» фаъолият мебарад.
Олимҷон Маҳмудов ба гуфти худаш давоми 20 сол боз дар роҳи санъат асту расман фаъолияти эҷодии худро аз соли 2000-ум шурӯъ намудааст, ки аз он 15 сол гузаштааст.
Сӯҳбати сари мизӣ!
Олимҷон салом ва хуш омадан ба коргоҳи мо.
Олимҷон Маҳмудов: Салом ба Шумо ва кулли ҳаводорони барномаҳои радиои овозадори Тоҷикистони азиз Тироз.
Олимҷон инҷо мегуфтед нахуст албоми Шумо чӣ ном дошт ва он соли чанд дастрасӣ мухлисонатон гардид?
Олимҷон Маҳмудов: Нахуст албоми кулбори таронаҳои ман «Моҳи баланд» ном дошта он соли 2004 пешкаши мухлисони азиз гардид.
Кадом хислати инсон ба Шумо писанд нест?
Олимҷон Маҳмудов: Аз ҳама он чизе, ки ман инсонеро дӯст намедорам, ки он хислати дурӯғгӯи дораду ва ҳамаро бо ҳамон дурӯғи худ фиреб медиҳад. Ин хислати инсон баростӣ ба ман писанд нест.
Ҳар як ҳунарманд пеш аз оне, ки ҳунарманд шавад албатта пайравӣ ба дигар нафарон мекунаду пасон худ ҳунарманд мешавад. Шумо ҳам ба ягон нафар пайравӣ мекунед?
Олимҷон Маҳмудов: Албатта ҳар ҳунарманде, ки ҳунарманд мешавад, корашро аз пайрави ба каси дигар шурӯъ мекунад ман ҳам пайравӣ мекунам ба устоди зиндаёд Карматуллои Қурбон.
Олимҷон агар Шумо миллион медоштед онро ба чӣ кор сарф менамудед?
Олимҷон Маҳмудов: «Механдад» Агар ман миллион медоштам сараввал ба мӯҳтоҷону эҳтиёҷмандон сарф мекардаму ва боқимондаашро ба корҳои худам.
Инҷо мегуфтед, ки шогирд доред?
Олимҷон Маҳмудов: Бале 2- шогирд дорам.
Дар оянда чи нақшаҳо доред?
Олимҷон Маҳмудов: Дар оянда албатта нақшаҳои зиёд дораму яке аз онҳо ташкил кардани консерти шаби эҷодӣ бахшида ба понздаҳ солагии фаъолият дар маркази вилоят шаҳри Хуҷанд.
Саломат бошед.
Инҷо сурудхо аз Олимҷон Маҳмудов:
ва албатта клипҳо:
Olimi Mahmud Mohi baland from Portal Tiroz on Vimeo.
Olimi Mahmud Modar from Portal Tiroz on Vimeo.
Нет комментариев