Чӣ тавр мо одатан ба худ миллиардерро тасаввур мекунем? Албатта дар пеши назари ҳар яки мо манзараи худамон пеши назар меояд, лекин аксар вақт шахси сарватманд бо мошинҳои қиматбаҳо, яхтаҳо, хонаҳои беруназшаҳрӣ (виллаҳо) фикран ба назар ҷилва менамояд. Аммо ҳамин хел одам вуҷуд дорад – Чак Фини (Chuck Feeney) миллиардери 81 –сола, ки худаш тавонист соҳиби сарват дар ҳаҷми 7,5 миллиард доллар гардад. Аммо бо ҳамаи ин дороӣ вай хонаи шахсии худро надораду иҷора гирифтани ҳуҷра (квартира)-ро афзалтар медонад, дар тайёра дар ҳуҷраи нисбатан поёнтар, яъне эконом – класс парвоз мекунад ва ҳатто мошини шахсӣ ҳам надорад.
Метавон ӯро шахси хасис номид, ки барои ҳар тинаш меларзад, ба шарте ки ин далел намебуд — тӯли 30 соли охир вай бо мақсади хайриявӣ зиёда аз 6 миллиардро сарф намуд. Ин пулҳо барои соҳаи маориф, яъне таҳсилот, тандурустӣ, илм, нигоҳдории хонаҳои пиронсолон дар ИМА, Ветнам, Австралия, Африқои ҷанубӣ ва Ирландия, ҷазираҳои Бермуд масраф гашта буд. Ӯ бо ҳамаи ин иктифо карданӣ нест ва дар нақша дорад, ки то соли 2016 ҳамаи маблағҳои мондаашро сарфи корҳои хуб намояд.
Илова бар ин, ин марди сахии исрофкор на танҳо ба пул ҳавас надорад, балки ба шӯҳрат ҳам: миллиардҳои худро тақсим карда дода, ҳаракат мекард дар торикӣ бимонад ва 15 соли аввал вай ин корро бомуваффақият иҷро мекард ва ҳеҷ кас аз фаъолияти хайриявии ӯ чизе намедонист. Сипас «фошшавӣ» пайгираш шуд, бо вуҷуди ин ҳам Фини рафтори хоксоронаи худро идома медод. Масалан, маълум аст, ки то соли 2012 вай дар на зиёдтар аз 5 мусоҳиба иштирок кардааст.
Чак Фини – одами аҷиб аст. Вай кори худро аз поён бо фурӯши машрубот ба маллоҳони флоти ҳарбӣ – баҳрӣ оғоз намуда, давоми якчанд сол ширкате таъсис дод бо 200 корманд дар 27 мамлакат. Даромади вай бо суръати тез афзуд, ҳарчанд ҳиссаи бузурги он дарзамон ба фонди хайриявӣ мерафт. Билл Гейтс Финниро намунаи беҳтарин барои пайравӣ донист, ӯ қайд намуд, ки ӯ мисоли беҳтарини он аст, ки чӣ тавр бояд дар зиндагӣ некӣ бикард. Ана ҳамин хел аст, одами босаховаттарин дар ҷаҳон.
Нет комментариев