Кӣ мегӯяд, ки подоши хубӣ бадӣ аст? Аммо ман боварӣ дорам, ки корҳои хайру беғараз садчандон бармегарданд. Ва қиссаи зерин тасдиқи равшани ин гуфтаҳост… Дар як рӯзи хуш ба як бехонумоне бахт бихандид. Дар зарфи хӯрокхӯрии ӯ, ки дар он садақа ҷамъ менамуд, рӯзе ким –чии вазнинтар нисбат ба тангаҳои пул, садо баровард. Билли Рэй Хэррис ба ин чизи хурд аз наздик нигоҳ кард ва «воҳ» гуфта монд: ин як ангуштарини калон бо алмосҳо буд. Эҳтимол, аксарияти мо аз ин ғанимате, ки рост аз осмон фурӯ афтид, шод гашта, онро аз худ мекард. Шояд, ин дуруст аст, зеро одам ин чизро надуздида аст. Ҳол он ки чизе, ки афтид, пас он ғайб мезанад. Бо вуҷуди ин ин марди бехонумони ростқавл нигинро ба соҳиби қонуниаш баргардонд. Маҳз барои ин амалаш, Билли аз ҷониби Худованд нисбат ба арзиши амволи баргардонидашуда зиёдтар подош гирифт. Ин воқеаи таъсирбахшро аксари ВАО нашр кард. Одамони хайрхоҳ ба кӯмаки ӯ шитофтанд, кӣ бо чӣ метавонист, ҳатто ба вай маблағе дар ҳаҷми назаррас хайр карданд. Аммо тӯҳфаи асосии худро Билли баъди чанд моҳ гирифт – вай акнун бо оилаи худ зиндагӣ мекард. Хуб, боз чӣ касе боварӣ надорад, ки корҳои некро ба ҷо овардан лозим асту нагирифтани он чизе, ки ба ту тааллуқ надорад.
Нет комментариев