Бисёр одамон тасдиқ мекунанд, ки «як нафар дар майдон ҷанговар нест». Аммо ба танҳоӣ метавон корҳои хубро дар ҳаҷми сайёравӣ анҷом дод. Агар хоҳиш мебуд! Ба қаҳрамони мо бошад, ғайр аз ин раҳмдилӣ ҳам кӯмак кард. Кӣ метавонист тасаввур кунад, ки раҳм кардан ба морҳои мурда ба 550 гектар ҷангал мубаддал мегардад?! Воқеа дар Ҳиндустон, штати Ассам рух додааст. Боре як наврас Ҷодав Пайенг баъди обхезӣ дар тунукобаи регзор як тӯда морҳои мурдаро бидид. Вай қарор дод, ки ин аз сабаби ҷое барои зиндагӣ надоштани хазандагон рӯй додааст. Дар ин ҷо ҳатто ягон намуди дарахтзор ҳам набуд, ки онҳо тавонанд аз гармо пинҳон шаванд. Ҷодав ба шинонидани дарахтҳо сар кард. Ба ӯ мегуфтанд, ки дар хоки регзор чизе, ғайр аз бамбук намерӯяд. Аммо ин чиз писаракро бознадошт. Вай маскуни доимии ин ҷойҳои ёбоӣ гардид ва ба ин ҷо тухмии растаниҳои гуногунро меовардагӣ шуд. Пайенг ҳатто ба инҷо мӯрчаҳоро овард, то онҳо инҷо одат карда, барои экосистемаи табииро барқарор кардан, кӯмак намоянд. Ба ҳайрати ҳамагон тамоми ҷангал оҳиста – оҳиста ба нумӯъ кардан оғоз кард ва имрӯз он 550 гектарро ишғол мекунад. Ин анбӯҳи дарахтон ҳона барои дигар ҳайвонот ҳам: оҳувон, палангҳо, каркаданҳо, парандаҳо ва ҳатто филҳо гардид. Боиси тааҷҷуб аст, ки то соли 2008 ҳукумати Ҳиндустон аз мавҷудияти чунин як ҷангали бузург хабар надошт. Ва ҳамин хел кас мехоҳад дод занад: одамон, биёед корҳои нек анҷом диҳем!
Нет комментариев