Имрӯзҳо дар қаламрави шаҳру навоҳиҳои вилоят барои тарғиби санъати миллӣ аз ҷумла ҳунарҳои халқӣ бисёр корҳо ба сомон расонида шуда истодааст. Аз ҷумла тарғиби яке аз ин ҳунарҳои миллӣ дар байни мардум санъати фолклорӣ ва этнографии фалак мебошад. Имрӯз директори ин муассисаро ҷавони хушсадо, ки байни мардум худи ӯ шӯҳрати беандоза дораду бо суруду таронаҳояш қалби онҳоро ба даст оварда Давлатманд Қутбиддинов мебошад. Ва мо ҳам бо ӯ перомуни кори ансамбли фолклорӣ ва этнографии фалаки вилояти Суғд сӯҳбат доштем дар меҳмонии барномаи «Ҳамроз».
Нахуст салом ва Шуморо хушомадед мегӯям.
Давламанд Қутбиддинов: Салом ба кулли мухлисону ҳаводорони радиои баланд парвози Шумо.
-Чанд сол мешавад, ки Шумо дар ҷодаи санъат кору фаъолият мебаред?
Давламанд Қутбиддинов: Умуман ман аз хурдиям дар оилаи ҳунарманд таваллуд шудам ва аз хурди ана ҳамин касб дар дили ман пайдо шуду ва ман ҳам хостам санъаткор шавам, албатта ман ба ин ниятам расидам. Тӯли бист сол аст, ки ман рӯйи ин касбу ҳунар кор мекунаму фаъолият мебарам.
-Чун имрӯз Шумо Директори ансамбли фолклорӣ ва этнографии фалаки вилояти Суғд ҳастед ва ман фикр мекунам, ки ба ин вазифа зиёд нашуда, ки таъин шуда бошед?
Давламанд Қутбиддинов: Ду сол мешавад, ки ман роҳбари ин ансамбл ҳастам.
-Тӯли ду соли фаъолият дар ин ҷо чи пешравиҳо ҳастанд ва чи навоварӣ кардед ба ансамбли фолклорӣ ва этнографии фалаки вилояти Суғд ?
Давламанд Қутбиддинов: Дар ин муассиса 12 нафар навозанда, 12 нафар сароянда ва 8 нафар гурӯҳи рақсӣ мебошад. Мо барои беҳбудии кори ин муассиса кӯшиш мекунем, ки фақат дар чорабиниҳои ҷумҳуриявӣ, вилоятӣ баромад намуда, санъати фолклорӣ ва этнографии фалаки миллии халқи тоҷикро боз ҳам назди мардум нишон диҳем.
-Имрӯз дар шаҳру навоҳиҳо оид ба пешрафти санъати фолклорӣ ва этнографии фалак корбарӣ рафта истодааст?
Давламанд Қутбиддинов: Бале, мо барои боз ҳам хубтар муаррифӣ намудани санъати фолклорӣ ва этнографии фалаки вилояти Суғд дар бисёри шаҳру навоҳиҳо корбарӣ карда истодаем. Ва мо дар шаҳри Қайроққум ва ноҳияи Мастчоҳ ансамбли фолклорӣ ва этнографии фалак дорем. Ва боз ҳам барои хуб ба роҳ мондани фаъолияти муассисаи фолклорӣ ва этнографии фалаки вилоят бисёртар ба устод Давлатманд Холов муроҷиат намуда, аз он кас бисёр маслиҳатҳо мегирем. Як чизи дигарро ҳаминҷо қайд карда гузарам, ки мо фалак мегӯем ва бояд, ки мо барои боло бурдани мақоми он яъне чизҳои халқи фолклорӣ ва этнографиро корбарӣ мекунем. Масалан мо тарғиб мекунем мусиқиҳои зарафшонӣ этнографӣ ва фалакро барои мухлисон пешкаш мекунем.
-Савол аз ҷониби Шунаванда: Дар ҷодаи санъат аввалин устоди меҳрубони Шумо, ки мебошад?
Давламанд Қутбиддинов: Чи хеле, ки дар боло қайд карда будам ман дар оилаи санъат кор таваллуд шудаам ва дар ин оила санъаткор нашуданашам ҳеҷ мумкин нест. Албатта якумин устоди ман равонашон шод падари бузургворам мебошанд.
-Давлатманд мегуфт, ки инҷо чун ҷавон ҳастеду бар зиммаи худ гирифтед роҳбарии ансамбли фолклорӣ ва этнографии фалаки вилояти Суғдро мушкили намекунад кор дар инҷода?
Давламанд Қутбиддинов: Ягон кор бе мушкилӣ намешавад ва ҳар коре ки бе мушкилӣ мешавад он сифати хуб надорад ва ҳар коре, ки бо мушкилӣ карда мешавад бо сифат мешавад ва ҳар нафаре ки аз он кор, ки бо мушкил мешавад дидан мекунад лаззати дигар мебардорад.
-Таманниёти Шумо ба мухлисонатон?
Давламанд Қутбиддинов: Ҳамеша дар хонадонашон хушиву хуррамӣ ва хурсандӣ бошаду ҳеҷгоҳ рӯи камиро набинанд.
Нет комментариев