Тараққӣ додани роҳҳои алтернативии ба даст овардани қувваи барқ идома дорад. Тавре манбаи Engadget иттилоъ медиҳад, дар ИМА бузургтарин стантсияи барқии офтобии ҷаҳон Topaz ба кор шурӯъ намуд.
Тавре иттилоъ дода шуд, сохтмони стантсияи барқӣ соли 2012 оғоз ёфта буд.Тӯли ду сол муҳандисон дар даштҳои Калифорния 9 миллион лавҳа (панель)-ҳои офтобиро дар майдони наздики 25 киллометри квадратӣ насб намуданд. Дар ин ҳол, арзиши лоиҳа 2,5 миллиард долларро ташкил намуд.
Тибқи маълумоти манбаъ, стантсияи барқии Topaz дар наздикии заминҳои ҳосилхези хоҷагии қишлоқ сохта шудааст, бинобар ин он метавонад ба 160 ҳазор хонаводае, ки дар оянда бунёд мегарданд, хизмат расонад.
Гуфта мешавад, ки иқтидори стантсияи барқӣ 550 мегаваттро ташкил медиҳад.
Тавре муҳандисон иброз менамоянд, истифодабарии пойгаҳи барқии офтобии Topaz имконият медиҳад, ки ҳамарӯза ба ҳаво хориҷшавии гази ангидриди карбон 377 000 тонна кам гардад.
Аммо стантсияи барқии Topaz ягона стантсияи барқии офтобии бузург нахоҳад буд. Муҳандисон азм доранд, ки соли оянда аз ин ҳам бузургтарин стантсияи барқии офтобиро, ки иқтидораш 579 мегаваттро ташкил медиҳад, ба кор андозанд.
Сарчашма : http://hi-news.ru/technology/v-ssha-zarabotala-krupnejshaya-v-mire-solnechnaya-elektrostanciya.ht
Нет комментариев