«Ҳамроз» барномаи интерактивӣ бо шунавандагон буда, дар ду бахш сурат мегирад: бахши аввал доир ба техникаву технология буда, бахши дигар бозиҳои ҷолиб (ба монанди дарёфтани мусиқӣ) –ро дар бар мегирад. Барнома хеле шавқовар буда, аудиторияи зиёдро ба худ ҷалб мекунад. Зеро ҳар як афроди худро пешрафта ҳисоб мекарда, мехоҳад аз навигариҳои техникаву технологияи нав бохабар бошаду ҳамқадами замона бошад. Ҷолибияти дигари барнома ин бозиҳои гуногуни интерактивӣ, ки касеро дар канор гузошта наметавонад. Ва маҳбубият пайдо кардани барнома аз ровӣ ва ё барандаи барнома ҳам вобастагии калон дорад. Аслан барандаи барномаи «Ҳамроз» Эшқул ва Мавзунахон мебошанд. Аммо ҳамагон медонанд (бахшиш, мумкин баъзеҳо надонанд ), ки Эшқул дар рухсатии меҳнатӣ буданду барномаро Мавзуна Ниёзова мебурданд, аммо имрӯз «Ҳамроз» -ро на ину на он, балки Ниёзоваи хурдӣ (он касро шунавандагони радиои «Тироз» чун Алихонзода мешиносанд) яъне Мутрибахон бурданд.
Мепурсед:
— Чаро?
Барои он ки ба Мавзунахон чашм расиду он кас бемор шуданд ва айни ҳол дар табобат ҳастанд. Ва Мутрибахон бо ҷонфидогӣ кори хоҳарашонро ба ӯҳда гирифтанд. Фикр мекунам аз иҷрои ин вазифа баромаданд. Ин албатта фикри ман аст ва ҳар кас фикри худро дорад!!! Шумо чӣ фикр доред? Эҳтиромона хоҳиш менамоям, ки фикру дархостҳои худро дар ин бобат ба унвони барномаи «Ҳамроз» бифиристед.
Нет комментариев