Президенти Ҷумҳурии Тоҷикистон, Ҷаноби олӣ, мӯҳтарам Эмомалӣ Раҳмон дар суханрониҳои худ бо аҳли зиёиёни кишвар қайд менамоянд, ки миллати тоҷикро ҷаҳониён бо фарҳанги волояш мешиносанд. Аз ин ҷост, ки фарҳанг пояи ҳастии миллат аст. Ин аст, ки ҳамасола аз ҷониби давлату ҳукумат мунтазам соҳаи фарҳанг дастгирӣ мешавад ва баҳри рушди ҳамаҷонибаи он тамоми шароитҳоро фароҳам меорад. Имрӯз низ аҳли фарҳанг аз мадди назари давлату ҳукумат дур намондааст.
Аз ҷониби Раиси вилояти Суғд мӯҳтарам Абдураҳмон Қодирӣ эълон гардидани соли 2015 «Соли рушди фарҳанг ва гулҳо» ва дар ин замина баргузор гардидани якчанд чорабиниҳои муҳими арзишманд барои рушду густариши ин соҳа нақши муҳим мегузарад.
Чун анъана дар Қасри фарҳанги шаҳри Хуҷанд машварати августии аҳли фарҳанг баргузор гардид. Дар кори он Раиси шаҳри Хуҷанд Раҷаббой Аҳмадзода, сардори раёсати фарҳанги вилояти Суғд Ориф Набиев иштирок карданд. Раиси шаҳр Раҷаббой Аҳмадзода аз номи Мақомоти иҷроияи ҳокимияти давлатии шаҳр ҳамаи фарҳангчиёни шаҳрро бо саршавии соли нави хониши 2015-2016 табрик гуфта, зимни суханрониаш қайд намуд, ки дастпарварони устодони санъати шаҳр дар фестивал-озмунҳои шаҳрию вилоятӣ ва ҷумҳурӣ, азҷумла, «Овози тиллоӣ», «Суруд ва навои рус», «Созҳои халқӣ» ва дигар озмунҳо фаъолона иштирок карда, ҷойҳои намоёнро ишғол кардаанд.
-Бо мақсади амалӣ гардондани «Барномаи рушди муассисаҳои фарҳангӣ» рушди фарҳанг ва ҳунарҳои халқӣ бояд дар мактабҳо барои ташкил намудани синфҳои асбобҳои нафасӣ ба монанди чангу танбӯр, ҳунарҳои кулолгарӣ, ҳайкалтарошӣ ва ғайра ба роҳ монда шавад, -гуфт зимни суханрониаш Раҷаббой Аҳмадзода.
Сипас, дар вазъияти тантанавӣ сардори Раёсати фарҳанги вилоят Ориф Набиев аз номи вазири фарҳанги Ҷумҳурии Тоҷикистон ба Раиси шаҳр Раҷаббой Аҳмадзода нишони Аълочии фарҳанги Ҷумҳурии Тоҷикистонро супурд.
Дар ҷамъбасти машварат Раиси шаҳр Раҷаббой Аҳмадзода ба фаъолони соҳаи фарҳанг Ифтихорномаву тӯҳфаҳои хотиравӣ тақдим намуд.
Дар ҷавоби таваҷҷӯҳи хосаи давлату ҳукумат нисбат ба аҳли фарҳанг мудири бахши фарҳанги шаҳр Бахтиёр Қосимов аз номи фарҳангчиён арзи сипос гуфт.
Дар ин бора http://www.khujand.tj/tg/arhiv/1259-farhang
Нет комментариев