Акс аз: www.mk.ru
Дар бозори марказии Панҷшанбе беш аз 300 адад нуқтаҳои савдо мавҷуд буда, ҳамарӯза наздики 1000 нафар соҳибкорон бо тиҷорат машғуланд. Тавре муассиси бозори марказии Панҷшанбе Абдураҳим Исмоилов иброз дошт, онҳо ҳаматарафа соҳибкоронро дастгирӣ мекунанд. Давоми сол аз тарафи муассисаи бозор боми марказ ва шифти дохили он ба маблағи 100 000 сомонӣ аз таъмири хушсифат бароварда шуд. Номбурда иттилоъ дод, ки аз сабаби он ки ба Кодекси андоз тағйироти иловагӣ дароварда шудааст ва ҳаққи хизматрасонии коммуналӣ гарон шуд, соли 2015-ум иҷорапулӣ ба фоизи муайян боло бардошта хоҳад шуд. Ин маълумот дар маҷлиси якҷояи масъулини бозор ба ҳозирин расонида шуд. Дар маҷлиси мазкур намояндагони МИҲД-и шаҳри Хуҷанд, нозироти андоз ва хадамоти давлатии оташнишонии шаҳри Хуҷанд ва соҳибкорон иштирок намуданд.
Дар вохӯрӣ ҳамчунин иттилоъ дода шуд, ки минбаъд дар бозори марказии Панҷшанбе маводи зиддисӯхторӣ истифода бурда мешавад, ки ба таври автоматӣ сӯхторро хомӯш мекунад. Бояд гуфт, ки маводи мазкур аз ҷониби ташкилоти ҷамъиятии зиддисӯхтор оварда шудааст. Дар ҷараёни маҷлис соҳибкорон фикру андешаҳояшонро ба масъулин иброз намуданд.
Дар ҷамъомад ҳамчунин намояндагони хадамоти давлатии оташнишонии шаҳри Хуҷанд, нозироти андоз иштирок намуда барои пешрафти соҳибкорӣ фикру андешҳояшонро баён намуданд. Дар интиҳои ҷамъомад масъалаҳои ба миёномада баррасӣ шуда, нақшҳои соли 2015-ум тарҳрезӣ шуданд. Дар ин бора аз телевизиони Азия иттилоъ додаанд.
Нет комментариев