Дэвид Эдвардс, профессори Донишгоҳи Гарвард оид ба тибби биологӣ ба шарофати ихтироъҳояш бой шуд. Аммо, сирри онро пинҳон надошта, бо ёрии таом ба дигар одамон низ гуфт. Дуруст ки таом чандон табиӣ нест. Барои ин ба профессор лозим омад, қаҳвахонаи ArtSciense (Санъати илм)-ро кушояд,ки дар он қарор дод, таҷрибаҳои марбут ба ғиззоро гузаронад. Албатта дар ArtScience барои ташрифоварандагон таомҳои муқаррарӣ ба монанди картошкаву фри, гамбургеру гўштҳои латдодашуда ва ғайра низ медиҳанд. Аммо, диққати мизоҷонро на он таомҳое, ки одатан дар дигар ҷойҳо низ таноувул кардан мумкин аст, мекашад, оне барояшон шавқовар аст, ки худи профессор Эдвардс барояшон пешкаш мекунад.
Масалан, WikiPearls- яхмосе, ки дар худ ду тамъи гуногунро баробар муттаҳид кардаасту дар пўсти маҳини хўрдашаванда печонида шудааст. Ё Le Whaf-«Вискии нафаскашанда», ки дар буғронакҳои махсус медиҳанд. Бо як сухан дар қахвахонаи Эдвард шумо ба ҷои шикамсерӣ нўшидан аз ҳавои тоза сер мешавед. Бо ёрии iPhone бошад, ду нафар дур аз ҳамдигар нишаста ба якдигар бўй ирсол карда метавонанд. Ин албатта таом нест, аммо, бисёре аз мизоҷон зуд-зуд дар толорҳои гуногуни қаҳвахона менишинанд, то ки чун дилхушӣ ба якдигар бўйҳоро ирсол намоянд.
Фаҳмост, ки ин кор аз тадқиқоти илмӣ дида, бештар ба “девонагӣ” монанд аст. Чӣ бояд кард, вақте ки ту пули бисёр дориву ба куҷо сарф кардани онро намедонӣ ва иловатан андешаву фикрҳои бисёр дар сарат аст?! Албатта мекўшӣ онҳоро татбиқ созӣ. Олим таоми муқаррариро ба ғайримуқаррариву боварнашаванда табдил додааст. Ҳамзамон пурра табиист, ки мизоҷони қаҳвахонааш рўз аз рўз зиёд мешаванд.
Сарчашма: http://www.gizmonews.ru/2015/02/21/garvardskij-uchenyj-otkryl-neobychnoe-kafe/
Нет комментариев