Дар доираи чорабиниҳои Соли 2015 – Соли гулҳо ва рушди фарҳанг дар вилоят ва нақшаи чорабиниҳои мақомоти иҷроияи ҳокимияти давлатии вилоят дар Амфитеатри Қасри Арбоби ноҳияи Бобоҷон Ғафуров барномаи фарҳангии ҳайати устодону донишҷӯёни Донишгоҳи давлатии Хуҷанд ба номи академик Бобоҷон Ғафуров баргузор гардид.
Ноибректори донишгоҳ Мўъминҷон Шамсиддинов чорабиниро ифтитоҳ намуда, аз ҷумла афзуд, ки дар қаламрави вилояти Суғд эълон шудани Соли 2015 Соли фарҳанг аз иқдомҳои наҷибонаи роҳбарияти Мақомоти иҷроияи ҳокимияти давлатии вилоят таҳти роҳбарии Абдураҳмон Қодирӣ мебошад. Бунёд шудани иншооти зиёди фарҳангӣ моро муваззаф мегардонад, ки барои пур кардани фазои фарҳангӣ, тарғиби густурдаи худшиносиву худоогоҳӣ тадбирҳои зиёд андешем. Чорабинии имрӯза, ки тибқи дастури Раиси вилояти Суғд сурат мегирад, гувоҳи амалишавии чунин иқдомҳо мебошад.
Сипас, ровиёни чорабинӣ ва санъаткорони ҷавону умедбахши донишгоҳ бо қироати шеъру тарона ва сурудҳои ватандӯстона ҷавононро ба дӯст доштани Ватан ва эҳтирому ҳимояи марзу буми кишвар даъват намуданд. Дар чорабинӣ беш аз 500 нафар ҷавонон иштирок намуданд.
Дар ин бора http://sugd.tj/index.php/tj/navidi-sugd/5301-farhangi хабар медиҳад.
Нет комментариев