Дар бинои таълимии №2-и Донишгоҳи давлатии Хуҷанд ба номи академик Бобоҷон Ғафуров мулоқоти доктори илмҳои физика Джим Дегнан бо иштироки донишҷӯён, магистрантон, аспирантон ва омӯзгорони факултети физикаю техника баргузор гардид.
Доктор Джим Дегнан аз ИМА буда, оид ба ҳаёт ва фаъолияти худ ба иштирокдорони мулоқот нақлҳои ҷолиб намуда, аз ҷумла қайд кард, ки бинобар ба соҳаи физика ва коинот шавқи зиёд доштанаш ба коллеҷи физикӣ дохил мешавад. Дар коллеҷ 4-сол таҳсил намуда, соли 1973 тариқи озмун ба курси дуюми донишгоҳи Питсбург дохил мешавад. Рисолаи номзадиашро дар соҳаи омӯзиши ҳастаи атом ҳимоя менамояд.
У мегӯяд, ки дар Амрико барои омӯзиши забонҳои гуногун диққати махсус медиҳанд, бинобар он ӯ забонҳои англисӣ, олмонӣ, испанӣ ва япониро аз худ кардааст. Соҳиби се фарзанд буда, дар соҳаҳои гуногуни илм ба дараҷаҳои баланд сазовор гардидаанд.
Байни Джим Дегнан ва иштироккунандагон сӯҳбати судманд доир гардид. Аз ҷумла, оид и таҳсил дар Амрико, масъалаҳои ҳалталаби физикаи муосир, алоқамандии олимони ду кишвар ва дигар масъалаҳои муҳими физикӣ сӯҳбат гузаронида шуд.
Ба саволҳои иштироккунандагон доктор Джим Дегнан посух дода, масъалаҳои ҳал намудаи физикиро, ба монанди дуализми мавҷи корпускулярӣ, муаммои муҳими ҷозибавӣ ва проблемаҳои механикаи квантӣ, баррасӣ намуд.
Темур Каримов, мудири шӯъбаи робитаҳои байналхалқии раёсати ДДХ ба номи академик Б.Ғафуров ҳузури доктор Джим Дегнанро ба донишгоҳ фоли нек арзёбӣ намуда, хоҳони ҳамкории судманди бештарро шуд.
Дар ин бора аз Хадамоти матбуоти Раиси вилояти Суғд хабар доданд.
Нет комментариев