Икром Исломӣ, яке аз чеҳраҳои тобноки соҳаи санъат буда, якчанд сол инҷониб дар ин ҷода овозхонӣ мекунаду мухлисони зиёде ҳам дорад. Имрӯз нафаре нест, ки ӯро нашиносаду таронаҳояшро нашунида бошад. Икром Исломӣ дар ҳақиқат ҳам бо сурудҳои нотакрор ва оҳангҳои ҷазобу садои гӯшнавозаш тавонистааст, ки дар дили ҳазорон мухлисонаш мавқеъи хос пайдо кунад.
Мо ҳам чанд муддате пеш бо ин чеҳраи ошно, Икром Исломӣ дар барномаи «Ҳамроз» сӯҳбате доштем, ки айни замон қисме аз ин сӯҳбатро барои Шумо, хонандаҳои азиз пешкаш мекунем.
Салом Икром Исломӣ! Ба кошонаи мо ва ба барномаи «Ҳамроз» хуш омадед!
Икром Исломӣ: Салом ба Шумо ва ба ҳамаи мухлисону муҳибони барномаҳои радиои «Тироз» ва «Тирози ҷавонӣ».
Икром Исломӣ — дар меҳмонии «Тироз»
Қаблан мехостем, ки дар бораи оғози фаъолити худ, дар рӯи сахна чанд сухан гуфта бошед.
Икром Исломӣ: Ман аз айёми хурсолӣ нисбати суруд сароидан шавқу завқи беандоза доштам ва дар давраи наврасӣ, яъне мактабхониям аллакай суруд замзама мекардам. Дар он вақтҳо ситораҳои санъати Эрон, аз қабилӣ Андӣ, Куруш, Шаҳроми Шаҳпаре маъруфияти зиёде доштанд ва маҳз гӯш кардани сурудҳои ҳамин ҳофизон дар дили ман оташи маҳаббатро нисбати овозхонӣ боз ҳам дучанд намуд. Ҳамин тавр, ҳамроҳи Хуршед Бузруков гурӯҳи «Фариз» — ро ташкил намудем.
Имрӯз сабаби фаъолияти ҳамҷоя надоштани дуи шумоён рӯи саҳна дар чист?
Икром Исломӣ: Сабаб дар он аст, ки Хуршед Бузруков ба худ соҳаи муносиботи бонкӣ ва бонкдориро касб намуд ва ҳоло дар ин ҷода кор мекунад. Имрӯзҳо гарчанде дар соҳаи овозхонӣ бо Хуршед Бузруков фаъолияти якҷоя надошта бошам ҳам, вале мо бо ҳам дӯстони ҷонӣ ҳастем ва дар ҳамсоягӣ зиндагӣ мекунем. Нишастҳои дӯстона зиёд барпо менамоем.
Дар ёд доред, ки нахустин албоми сурудҳоятон чӣ ном дошт ва то имрӯз чанд адад тарона эъҷод 
кардаед?
Икром Исломӣ: Албатта дар хотир дорам, аввалин албоми таронаҳо «Модар» ном дошт ва то ҳамин ҳоло тақрибан 150-200 суруд пешкаши мухлисон гардондаам.
Дар офаридани суруд, бо кадом оҳангсозон ҳамкорӣ мекунед ва матни таронаҳоро кӣ интихом менамояд?
Икром Исломӣ: Дар офаридани оҳанг ба сурудҳои нав, ман бештар бо дӯстам Ҷамшед Исмолов, Зайниддин Каримов, Илҳом Ӯрунов ва Фирдавс Темиров ҳамкорӣ мекунам. Интихоби матн ба суруд аз ҷониби худам аст. Ҳар матне, ки маънии он ифодагари дарди дили ман ва наздик ба ҳаёти ман бошад, ҳамонро интихоб мекунам. Матнҳое, ки дар сурудҳоям ҷой медиҳам, бештар аз эъҷодиёти шоирони классикии тоҷик Абӯабдуллоҳи Рӯдакӣ, Ҷалолиддини Румӣ, Умари Хайём ва шоири ширинкалом Лоиқ Шералӣ мебошад.
Барои Шумо дар кадом жанр суруд сароидан писанд аст ва бо кадом забонҳо тарона замзама кардаед?
Икром Исломӣ: Ман бисёртар дар жанри поп овозхонӣ карданро дӯст медорам ва то имрӯз бо забонҳои русӣ, эронӣ, афғонӣ, англисӣ ва испонӣ таронаҳои зиёда пешкаши мухлисон намудаам.
Дар рафти фаъолият дар саҳна Шумо ҳам аз фонограмма истифода мебаред?
Икром Исломӣ: Бале, ман фикр мекунам, ки қариб хамаи санъаткорон аз фонограмма истифода мебаранд, вале ин ҳам мавриди худро дорад. Масалан, вакте ки ман ба таронаҳо клипхо ба навор мегирам, инчунин ҳангоми доир намудани консерт дар майдонхои бузург низ аз фонограмма истифода мебарам.
Холо биёрии санъаткорони тоҷик дар хориҷи кишвар низ консертхои худро доир менамоянд, то ки нуфузи санъати тоҷикро боз хам баланд бардоранд. Оё Шумо низ чунин сафарҳои хунари доштед ва барои оянда ҳамин гуна нақшаҳо ҳаст?
Икром Исломӣ: Ман ба Аморати Араб, Дубай, шаҳрҳои калони Федератсияи Русия, ба монанди Санкт-Петербург, Самара, Челябинск ва ғайра сафари ҳунарӣ доштам ва дар ояндаи наздик, яъне соли 2016-ум накша дорам, ки дар Маскав консерти худро барпо намоям. Ҳоло ба ин сафари ҳунарӣ омодагӣ дида истодаам.
Кадом хислати инсониро зиёд мепарастед ва агар маблағи зиёд медоштед, онро ба чӣ сарф менамудед?
Икром Исломӣ: Ман дар ҳар як инсон хислати накукорӣ, поктинатӣ ва раҳмдилиро бештар меписандам. Инсон бояд ҳамеша дар лаҳзаҳои душвори зиндаги ғамхору дастгир ва мададрасони хамдигар бошад. Мухимаш дили зинда дошта бошад, дар холати ниёзмандӣ ёрии беминнат расонида тавонад ва қадру қиммати инсониро аз ҳама чиз воло гузорад. Дар бобати маблағ гуфтанӣ ҳастам, ки агар ман сохӣ пули зиёд гардам, аввал ба одамони камбизоати дасти кумак дароз мекунам ва баъдан молияи боқимонадаро барои рушду равнаки санъати худ, офаридани таронаҳои чадид сарф менамоям.
Таманиёти Шумо ба мухлисонатон?
Икром Исломӣ: Орзу мекунам, ки бигзор дар хонадони хар як фарди тоҷик ободиву осоиштагӣ, мехру муҳаббат бошад. Мухлисони азизам ҳамеша тансихату шодмон бошанд ва дар фазои сулҳу ободии кишвар суруду таронахои мо санъаткорон дар кошонахояшон доимо танинандоз гардад. Барои ҳамаатон хушихои бехтарини зиндагиро таманно дорам.
Сурудҳои Икром Исломӣ аз албоми соли 2015:
Нет комментариев