Акс аз: pro-podolsk.ru
Дар вилояти Суғд боз як ҳолати фурӯши маводи тарфгарӣ (пиротехникӣ) ошкор шуд. Тавре ки корманди Раёсати ВКД ҶТ дар вилояти Суғд Муҳсин Юсупов иттилоъ дод, дар ҳудуди ҷамоати деҳоти Хистеварзи ноҳияи Б.Ғафуров зимни гузаронидани корҳои фаврӣ-ҷустуҷӯӣ аз ҷониби кормандони милитсияи шуъбаи ВКД ноҳияи мазкур ҳамчун гумонбар дар муомилоти ғайриқонунии маводи тарфгарӣ донишҷӯи Донишкадаи кӯҳӣ-металлургии Тоҷикистон, воқеъ дар шаҳри Чкалов З. Абдураҳмонов, соли таваллудаш 1993, сокини ноҳияи Панҷакент, муваққатан истиқоматкунандаи шаҳри Чкалов дастгир гардид. Зимни боздошт аз ӯ 10 ҳазор дона маводи тарфгарӣ дарёфт ва мусодира шуд. Ба гуфти манбаъ, нисбат ба дастгиршуда парвандаи ҷиноӣ оғоз шуда, тафтиш идома дорад.
Дар ин бора аз РВКД ҶТ дар вилояти Суғд иттилоъ медиҳанд.
Ба вкд барори кор
Айб на танхо дар донишчу балки оила, муаллим ва шахсоне ки ин донишчуро ихота мекунанд хаст аз хамин сабаб хар як чавонон этиёткорона кадами худро гузоранд
Чавонон хаёти худро зери хатар нагузоред .