Бисёриҳо фикр мекунанд, ки дар хона мушакҳои худро дуруст машқ медиҳанд, вале бояд гуфт, ки иҷрои нодурусти машқ на фақат натиҷаи дилхоҳ намедиҳад, балки баъзан дар пушт ва миён дардро ба вуҷуд меорад.

Инак, мо ба шумо иҷрои дурусти машқи мушакро мефаҳмонем:

Пресси поёни. Ҳолати аввала: ба пушт хоб мекунем, дастҳо бо бадан мувозианд, (параллел), дар ин ҳолат  пойҳоро бояд  дар зону қат кард. Ҳангоми нафаскашӣ (вдох) пойҳоро рост накарда мешинем, баъди андак таваққуф нафас бароварда (вздох), ба ҳолати аввала бармегардем. Ин намуди машқро 10-12 бори 3 маротиба иҷро менамоем.

Мушаки уреб. Ҳолати аввала: ба пушт хоб карда, пойҳо дар зону қат шудаанд, дастҳо дар паси саранд ё ба ду тараф партофта шудаанд.

Нафас кашида мешинем, пойҳоро рост накарда, дар зери кунҷи 90 дараҷа боз тарафи рост ба замин поён карда зонуро ба замин мерасонем. Ҳангоми нафасбарорӣ аз сари нав пойҳоро дар зери кунҷи рост боло мекунем ва ба ҳолати аввала бармегардем. Ҳамин машқро барои тарафи рости бадан такрор мекунем. «Ҷуфтро» 10-12 бори 3 маротиба иҷро мекунем.

Пресси болоӣ. Ҳолати аввала: ба пушт хоб мекунем, дар ин ҳолат пойҳоро дар зону қат менамоем, дастҳо бо бадан мувозианд. Бо баробари нафасгирӣ дастҳоро якҷоя бо бадан боло мекашем, вале миёнро аз замин намеканем. Бо баробари нафасро баровардан ба ҳолати аввала бармегардем. Ин машқро 10-12 бори 3 маротиба иҷро менамоем.

Даври машқро бо силсилаи қатшавиҳо хотима додан мумкин аст ва бо ин роҳ «масҳи» шикам гузаронда мешавад.

Ҳаминро дар назар доред, ки аксарияти мураббиёни касбӣ аввал машқи мушакҳои пресси поёнӣ, сипас мушакҳои «уребӣ»-ро иҷро намуда, бо машқи пресси поёнӣ хотима мебахшанд.

Дар хотир гиред, ки якбора ба организми худ вазнини наоред, ҳатто агар шумо акнун машқи дурусти прессро дар шароити хона донед ҳам. Оҳиста сар карда, тадриҷан шиддатнокӣ ва давомнокии машқро зиёд кунед, натиҷаи якбораро интизор нашавед. Дар якчанд рӯз ё ҳафтаи машқ шумо фарқият ё дигаргунии назаррасро мушоҳида карда наметавонед. Асрори пресси зебо дар машқи доимӣ аст,  машқҳои тоқатовар ҳатман фоида меоранд ва бо мурури вақт шумо натиҷаашро мебинед ва сироятнопазирии организми худро  мустаҳкам месозед.