Ёдрас бояд шуд, ки дар рӯзҳои нахустини гусели даъватшавандагон дар даъвати тирамоҳӣ, беш аз ҳазор нафар ҷавонон аз вилояти Суғд ба сафи Қувваҳои мусаллаҳ равона гардида буданд. Муҳаммадшафақи Муҳаммадзоҳир сарбози қаторӣ аз ноҳияи Куҳистони Мастчоҳ яке аз он наваскаронест, ки бо сарбаландӣ хизмати Модар-Ватанро баҷо оварда истодааст. Дар рӯзи гусели даъватшавандагон, ки дар он чорабинии бошукӯҳ Раиси вилояти Суғд низ иштирок намуда буд, Муҳаммадшафақи Муҳаммадзоҳир баромад намуда, бо ҳисси баланди хештаншиносӣ ва ифтихори миллӣ изҳор дошта буд, ки ҷавонон бар ивази ҷон ин Ватанро ҳимоя хоҳанд кард.
Ин ҷавони ватандӯст имрӯз дар қисми ҳарбии 06870-и бригадаи ҳамлаовари десантӣ хидмати хешро пеш мебарад. Дар қатори Муҳаммадшафақ ҷавонони зиёд аз вилояти Суғд дар ин қисми низомӣ қарзи шаҳрвандии худро баҷо оварда истодаанд.
Бо мақсади воқиф гардидан аз шароити будубош ва раванди хизматии сарбозон дар асоси дастуру супориш ва дастгирии бевоситаи Раиси вилоят Абдураҳмон Қодирӣ гурӯҳи корӣ ба қисмҳои низомии дар шаҳри Душанбе ва шаҳри Турсунзода мустақарбуда равона гардиданд. Гурӯҳи корӣ таи чанд рӯз аз қисмҳои низомии 02615, 2620, 6592 боздид намуда, бо шароити сарбозон шинос шуданд. Тавре аён гардид, имрӯзҳо дар ҳамаи ҷузъу томҳои Артиши миллӣ шароити муносиби ҷавобгӯ ба талаботҳои ҷаҳони муосир барои хизмати ҷавонон муҳайё гардидаанд. Сар аз хонаи шустушуи сарбозон то ҷойи хоб ва дар маҷмӯъ имконияти истироҳату дамгирӣ, донишандузӣ ва дигар шароитҳои мавҷуда дар сатҳи зарурӣ ба роҳ монда шудааст.
Таваҷҷӯҳ намудан ба сарбозон, аёдати онҳо дар соли нав, ки дар асоси дастуру супориши роҳбарияти мақомоти иҷроияи ҳокимияти давлатии вилояти Суғд руйи кор омад, аз он шаҳодат медиҳад, ки раванди хидмати сарбозону афсарон ҳамеша таҳти таваҷҷӯҳи мақомоти иҷроия қарор дорад. Дар ин бора аз хадамоти матбуоти Раиси вилоят иттилоъ доданд.
Нет комментариев