Раёсати маориф ва илми вилояти Суғд мегӯяд, то имрӯз дар назди муассисаҳои таълимии шимоли Тоҷикистон 874 танӯр ва 1002 оташдон насб кардаанд.
Осим Қосимӣ, сардори Раёсати маориф ва илми вилоят аснои суҳбат бо хабарнигорон дар шаҳри Хуҷанд гуфт, бо мақсади омӯзонидани касбу ҳунарҳои миллӣ дар назди муассисаҳои таълимӣ 874 танӯр ва 1002 оташдон насб шудааст: “Инчунин, дар назди муассисаҳои таълимии шаҳру ноҳияҳо 182 маҳфили сӯзанидӯзӣ, 237 маҳфили қолинбофӣ ташкил шуданд”.
Бино ба гуфтаи ҷаноби Қосимӣ, барои ташкили маҳфили қолинбофӣ дар муассисаҳои таълимии шаҳру ноҳияҳо 958 дастгоҳи қолинбофӣ харидорӣ шудааст. Ӯ афзуд, соли сипаришуда барои нахустин бор бо дастури раиси вилояти Суғд ба 537 хатмкунандаи муассисаҳои таълимии шаҳру ноҳияҳои Панҷакент, Чкалов, Ғончӣ, Конибодом, Спитамен, Бобоҷон Ғафуров, Айнӣ ва Ашт баробари шаҳодатномаи хатми мактаб, шаҳодатномаи хатми маҳфилҳои ҳунарҳои миллӣ супорида шудааст.
Манбаъ: http://www.ozodagon.com/
Нет комментариев